英媒向曼聯提名「月巴」的9大理想替身 (肯嚟先算) 文字

《越位陷阱》於 26/12/2016 發表 收藏文章
朗尼近季表現大不如前,今季在英超至目前為止僅入一球(上場曾經中楣架),更一度失去正選席位。英媒形容他與曼聯球迷之間的關係已經漸行漸遠,加上他長期被傳成為中超球會獵物,在紅魔效力了十二個年頭,現在分手對各方面來說都是最好時機。

《太陽報》早前為曼聯列舉了九個「可行的」朗尼替代人選,不過是否真的「可行」就真是見仁見致了。何況,朗尼在下個月冬季轉會窗中離開曼聯的可能性其實有多大,對聽慣所謂轉會傳聞的球迷來說,相信早已心裡有數。

1. 基沙文
2016年歐國盃及西甲最佳球員,金球獎三甲之一......
該報認為要從馬體會手中得到基沙文,肯定不會便宜,但他會比曼聯現時可選擇的攻擊球員更好。
......真係有見地到呢!

2. 伊斯高
伊斯高在加盟皇馬後一直為正選位置而掙扎,但始終未能成為施丹信任的重心球員,離隊機會日漸增加。前金童獎得主的技術質素毋需懷疑,摩連奴對他當然絕不陌生。

3. 贊奴沙
摩連奴季初將贊奴沙調至預備組然後外借,其實已經反映他對這名曾在曼聯成為正選的年輕球員有何想法。雖然贊奴沙今季在新特蘭發揮甚佳,但他真的是替代朗尼的理想人選嗎?

4. 安達斯彭利拿
繼續最強之人已在隊中(只不過被外借而已),20歲的安達斯彭利拿在西甲的榜尾球隊格拉納達,吸收了提早護級的經驗,是否這就已夠火候取代朗尼?但該報認為,彭利拿已展現出一些潛質,只要給予他接棒朗尼的重大責任 ,就會成才。
啊......

5. 戴巴拿
歐洲球壇最有前途新星之一,就算今季祖雲達斯來了天價希古恩,但目前23歲的戴巴拿,仍是祖記的進攻泉源,他在2014-15年球季更成為了意甲首席助攻王。

6. 伊卡迪
該報認為本身屬於「性格巨星」的伊卡迪,正是摩連奴喜歡採用的一類球員......
其實,如果祖雲達斯肯放戴巴拿,國米願讓伊卡迪,曼城都應該會割愛阿古路,美斯也一定不想留在巴塞吧!

7. 杜根夏薩特
摩連奴一離開車路士,夏薩特就重新發力,有傳上季他是「叛變」分子之一。想報復,有咩好得過在英超擁立另一個夏薩特?杜根夏薩特今季在慕遜加柏發展不錯,但實力是否可與兄長相比?況且家陣唔係有一個同類型而級數更高的米希達恩啦咩?

8. 華拉堤
先唔講識印銀紙的巴黎聖日耳門,點解無情情要將中場最值租的核心放給曼聯,華拉堤的位置是中場中,作用是做控制節奏和分波樞紐,邊忽似係頂替朗尼最理想人選?何況而家曼聯排四、五個中場中列陣都綽綽有餘,仲要嚟多件?

9. 迪馬利亞
唔知抽水定假膠,竟提迪馬利亞。想破多次英超轉會費紀錄定點,仲話雖然曼聯不愛「重簽舊將」,但摩連奴一早已對天使賞識有加,曾將他從賓菲加帶進皇馬,而迪馬利亞在奧脫福有未了之事,必定很想重回舊地,一洗污名。

《太陽報》果然唔係浪得虛名!

留言

會員
我要評論
請按此登錄後留言。未成為會員? 立即註冊
  • 張宇軒
    張宇軒 於 26/12/2016 評論 NO. 1

    大腸報...笑下就算啦

  • Will Tang
    Will Tang 於 26/12/2016 評論 NO. 2

    一半有歐聯踢
    走去曼聯踢歐霸?

  • Ko LaSi C
    Ko LaSi C 於 26/12/2016 評論 NO. 3

    唔係應該簽個中堅頂月巴咩?😂

  • 沖沖
    沖沖 於 26/12/2016 評論 NO. 4

    點解一個後備都要替身

  • Tangsword Lam
    Tangsword Lam 於 26/12/2016 評論 NO. 5

    「安達斯彭利拿在西甲的榜尾球隊格拉納達,吸收了提早護級的經驗」

  • Raymond Li
    Raymond Li 於 26/12/2016 評論 NO. 6

    替薪?用佢薪金可以請到邊個先正解?

  • Chi Heng Tou
    Chi Heng Tou 於 26/12/2016 評論 NO. 7

    其實伊斯高已經得到施丹既信任 然後摩連奴點解會了解伊斯高....

  • Louis Yik
    Louis Yik 於 27/12/2016 評論 NO. 8

    咁多替身,唔講仲以為係JOJO

  • Isaac Shek
    Isaac Shek 於 27/12/2016 評論 NO. 9

    我睇唔明第6點講咩?!🤔

  • rickytct
    rickytct 於 27/12/2016 評論 NO. 10

    其實坦白講,我真係希望曼聯買到迪巴拉

  • tinchi3721
    tinchi3721 於 27/12/2016 評論 NO. 11

    第6個係咪講好難有機會發生😂

  • 陳澤禧
    陳澤禧 於 27/12/2016 評論 NO. 12

    雖然好中意Januzaj, 但佢d表現真係麻麻…

快捷鍵:←
快捷鍵:→