《俠盜一號：星球大戰外傳》有人話正，有人話悶。ESPN也真夠想像力，想出了一個球場版的《俠盜一號》，將球星配入電影中各主要角色。不如你又估吓邊個係姜文？邊個做甄子丹？邊個反串珍艾素？
C朗 飾 漢蘇奴
漢蘇奴係電影系列主角，C朗亦有喜歡成為焦點的風格。漢蘇奴離開至愛莉亞公主，奔向銀河，追求榮華富貴。C朗離開費Sir，踏上銀河艦隊，名成利就。
(點解費Sir會係莉亞公主？)
馬斯查蘭奴 飾 卡撒安多上校
馬斯查蘭奴以強悍的戰鬥精神贏得隊友尊重，即使要冒受傷之險，亦不會對任何攔截有所猶疑，具有不怕犧牲的軍人性格，同上校一樣機警冷靜，每到危急關頭就會挺身而出。
(上校我會諗起KFC！:P)
費蘭尼 飾 風暴兵
要與對手硬撼時，高大實淨如風暴兵的費蘭尼就會被派上戰場，撞散敵軍的攻防節奏，但通常都係得個撼字，入波同贏波的功勞由隊友獲享。
(撞時撞，風暴兵唔會撞到輸十二碼。)
迪布尼 飾 霸煞馬斯
霸煞馬斯在艱苦的環境中，磨練成逆境鬥士，曼城陷於困境中，迪布尼往往就是全隊最佳的球員，兩者的拿手好戲都是發射重炮。 (梳，完全唔覺似囉！)
比比 飾 法斯馬隊長
任何人敢越雷池半步，法斯馬隊長都會立即消除威脅，不惜使用最暴力的手段，一如皇馬防線上的領袖比比。
(比比咁「好戲」，要成日戴住個頭盔嘥咗佢！)
伊巴謙莫域 飾 大帝
大帝要所有人服從他的意旨，伊巴征討不同聯賽和球會同樣不失霸氣，總以為全世界都要被他征服似的。
(話明大帝，點會唔係簡東拿？)
蘇亞雷斯 飾 Kylo Ren
Kylo Ren不惜弒父以求取領袖Snoke的信任，阿蘇為咗入球亦可以不惜任何代價，甚至不顧後果。(好夾硬吓喎)
祖爾巴頓 飾 奧臣寇力
在暗黑世界中，奧臣寇力為咗心血結晶死星可以好殘暴，同祖爾巴頓一樣，食牌、停賽、打交、口角，全部都係家常便飯。
(祖爾巴頓個啲叫古惑仔，唔係社團渣fit人囉！)
迪亞高哥斯達 飾 珍艾素
兩個都唔係好惹，但又真係交到貨，幫到老細。
(老老實實不如話兩個今期都孭哂飛，擔正做主角，仲好啲啦！)
摩連奴 飾 Darth Vader
Darth Vader被原力黑暗面吸納，如摩連奴近年有點墮入迷失，失去原有的強者氣勢。 (擺明想影射摩佬入「魔」，唔做藍戰士，係棄明投暗。)
其實今次《俠盜一號》仲有好多出位角色可以分配俾球員，計我話呢，最少應該仲有呢兩個：
美斯 飾 智刃嚴
智刃嚴技藝高超，克服失明缺陷，可以一個打十個，美斯戰勝生長激素缺乏症，隨時一個扭幾個。演電影版的是「宇宙最強」，球場版當然要搵「地上最強」。
高治 飾 K-2SO
有七呎一吋高的K-2SO，同高治的外型簡直襯到絕，而且佢出名識跳「機械人舞」，今個卡士點漏得佢？ http://www.espn.com/espn/feature/story/_/page/rogueone/espn-fc-football-rogues
請按此登錄後留言。未成為會員? 立即註冊