十個你可能不知道關於奧歷治的事 精選

比利時 19歲年輕前鋒奧歷治 (Divock Origi)正式加盟利物浦。不過，他下季將繼續外借回里爾效力。同時奧歷治成為繼林拔、簡恩 Can、拉爾拉拿 Lallana、馬高域和洛夫雲後，今夏的第六個加盟 Liverpool球員。


關於奧歷治，你對他了解多少，以下為十件你可能不知道關於奧歷治的事。


1. 奧歷治係15歲時由比利時球會亨克加盟法國里爾，係2012/13球季的二月，奧歷治初次為球會係法甲上陣對賽 Troyes AC就射入一球。這個入球令奧歷治以 17歲5個月成為里爾歷年來第三年輕入球球員，僅次於另外兩個比利時國家隊隊友 Eden Hazard 同 Kevin Mirallas。


2. 到目前為止，才 19歲的奧歷治已經為里爾係法甲上陣 40場賽事，可謂十分驚人數字。


3. 上季2013/14第一場聯賽比賽，奧歷治上陣對羅連安特 (Lorient)就射入全場唯一入球，協助球隊全取三分。


4. 奧歷治其實來自足球世家。除比利時，奧歷治之前亦可以代表肯亞國家隊，而他父親正正係前肯亞國家隊成員，同時亦係奧歷治青訓球會亨克的球員。除此之外，奧歷治幾個叔叔都係肯亞聯賽球員，而他的表哥 Arnold更係肯亞國家隊門將，現效力挪威球會 Lillestrom。


5. 除兩場世界盃前熱身賽，奧歷治係世界盃對阿爾及利亞之前並未曾係正式比賽中代表過比利時國家隊上陣。而且今年三月奧歷治才剛剛從比利時 u19升上 u21代表隊。


6. 維拉前鋒賓迪基受傷為奧歷治帶來入選世界盃大軍名單機會，教練 Marc Wilmots解釋選擇奧歷治代替賓迪基的決定，「選擇奧歷治是有點冒險成份，直覺告訴我奧歷治同賓迪基有著相似能力，最後證明這是正確決定。」


7. 而最終事實的確證明帶奧歷治來到世界盃大軍是明智的決定，分組賽對俄羅斯的致勝入球為球隊全取三分，一球成名之餘亦確保比利時成功晉級十六強。


8. 奧歷治係歷來比利時國家隊係世界盃中最年輕入球球員，同時亦係歷來世界盃中唯一肯亞裔球員入球。


9. 奧歷治係巴西世界盃的表現令奧歷治成為比利時球迷寵兒。係布魯日海洋公園 Boudewijn Seapark，一條剛出生海豚就以 Origi命名。而比利時 DJ Ronny Mosuse就係新作品的歌詞中加入 Origi的名字。


10. 奧歷治係 Liverpool歷來第二個比利時藉球員，第一個係現任門將米洛尼特，同時亦係現今英超聯賽中第 14名比利時球員。


覺得小弟寫得都 ok的話或者想要更多 Liverpool資訊，可以到 facebook 專頁按個讚，支持下啦。
https://www.facebook.com/myheartisredlfc

http://www.liverpoolfc.com/news/latest-news/167481-10-facts-about-divock-origi