原創分析:紐卡素對利物浦,人類總要重複同樣的錯誤 文字

英超第七輪:紐卡素1:1利物浦

註: 今次同樣由啫喱分析。

利物浦犯下同樣的問題,導致同樣的比賽優勢,同樣的比賽結果......

以下為三個進攻問題,和三個防守問題

進攻問題1: 前場無回後支援

引用舊文標題:

要先學行 (組織),再學飛 (雙翼齊飛):利物浦前場球員企位太前,只顧「飛」,忽略回後支援中場組織,令利物浦無法在邊路組織。

本 (短傳組織) 末 (高波長傳) 倒置:上半場短傳組織效果不佳,下半場更索性由Sturridge、Mane、Salah、Coutinho在前場等候接應長傳...




進攻問題2: 中場球員進攻意識薄弱

[舊文「利物浦對水晶宮,中場組織力的 What & Why」已經分析過一次...]

Wijnaldum強於無球走動,但持球的決定就仍有待改善...



其實利物浦失球前,曾有一段較出眾的小組配合,但最後 Henderson和 Sturridge犯錯,導致紐卡素有機會反擊...





進攻問題3; 中後場球員太多無幫助的走位/傳球

中後場球員,尤其Henderson的走位、企位往往無助球員向前組織,亦缺乏中後場球員之間的默契 (如何走位、如何傳球)。



防守問題1: 兩邊防守力弱 (都是逼搶的錯?!)

利物浦兩翼 Mane、Salah經常要走到對方半場進行壓逼,令利物浦邊路後防只有閘位球員一人,經常被對方製造驚險場面。



防守問題2: 中場未能成為有效屏障 (都是逼搶的錯?!)

逼搶戰術令利物浦中場和前場球員之間留有大量空位,中場3名球員難以形成有效的屏障去保護後防,使後防極為容易受壓。



防守問題3: 中堅集中力

Matip今場雖然解除了對方不少攻勢,但一次不集中,足以令利物浦痛失2分...



各位球迷如果想要更多 Liverpool資訊,可以到 facebook 專頁按個讚,支持下啦。
https://www.facebook.com/myheartisredlfc
標籤: 利物浦  紐卡素  英超  

留言

會員
我要評論
請按此登錄後留言。未成為會員? 立即註冊
  • Wong Andy
    Wong Andy 於 02/10/2017 評論 NO. 1

    唉……英超級前鋒!英乙級後防!我係古仔都想走喇!😡😡😡😡😡

  • Lok Lee
    Lok Lee 於 02/10/2017 評論 NO. 2

    認同, 由此可發現軒達臣嘅不足, 但調轉頭睇, 佢係正防中, 點解進攻走位會由佢主導, 引申出韋老母真係尤如打少個, 出can就經常踼高章波犯錯!!

    史獨不是狀態問題, 係佢心態打法問題, 有佢前面完全组織唔到, 導致連文尼都發揮唔到

  • Sunny Wu
    Sunny Wu 於 02/10/2017 評論 NO. 3

    基本認同,同時想指出史杜打單箭頭真係唔work,迫搶和做支點都唔得,停唔到波,或只停到好短時間,這都影響前線配合,昨天腳風又唔順,別人送禮又把握唔到,史杜如果把握唔到機會,價值就接近零,而文尼昨晚的狀態亦甚差,攞波唔順,單對單亦過唔到。
    戰術方面,古仔落中場睇黎大家都要適應,古仔多左要波用,軒達臣又好自然俾波佢,結果造成了不少施慢而無謂的短傳,如軒達臣明明自己已有位向前傳或分邊,但古仔一落黎,就結果要俾多腳但做同樣的東西,結果仲慢左,而軒達臣的角色亦變得更唔清晰,而古仔多數係持球推進、俾波和遠射,而好少前插,結果有時前線拉到空位但無人入契,而當古仔擺前了,韋拿杜姆就相對移後多左防守,反而浪費了他前插的長處,防守方面,高普體系好強調失去控球後立即圍搶,現在打雙翼多走身後,一俾唔穿的話翼鋒已無可能迫(因為已跑到對方身後),古仔肯迫但對抗性唔夠撞唔開對方,結果只剩下軒達臣和韋拿杜姆反搶和遮線,昨天輸的那球就係迫唔切和遮唔晒,就俾對方一個直線劏穿,而今年馬迪普明顯無法一週兩賽場場打足,以往回追已唔快,但今年明顯專注度和起步反應都再弱左,應該與疲倦都有頗大關係。

  • Chong Khay Xuan
    Chong Khay Xuan 於 02/10/2017 評論 NO. 4

    本身认为前场的问题分析的没错,支援和跑动导致了进攻效果不佳。另外,Front Three的Finishing 还真的需要加强。

    至于防守问题,我个人认为CDM这一个位置很重要。CM和CDM分工不清楚。即便是高位逼抢战术,CDM 要有‘固定‘’的一个人,一个就好,留在后防前面守着后卫前面的那位前锋,不要做无谓的逼抢。然而 CM 的位置负责专注逼抢和组织进攻,在加上Front Three的配合,理应打得出一个稳定的打法。

    P/S :希望Lallana的回归可以改善CDM和CM的问题,让分工更清楚

  • Frankie Leung
    Frankie Leung 於 03/10/2017 評論 NO. 5

    本來唔想馬後炮,但過左兩日都係忍唔住,不吐不快,請見諒:輸果一球,各位師兄已詳細分析,不噚氣,但點解路夫蘭俾人劏穿後竟然企喺度睇波而唔一齊追?佢肯追番去,當個波慢溜尾袋時,佢都仲有機會救出嚟吖,我妖。。。。。

  • wombat
    wombat 於 03/10/2017 評論 NO. 6

    唔係好同意呢個分析。 前場已按指示不斷的逼搶,唔可以話中後長嘅不濟又入埋前場數,逼搶已經好曬體力,如果重要成日回後幫拖,鐵人都死(而家都已經死死地)。

    不斷嘅失分,同一問題不斷嘅分析已經冇意義。 當一啲球員不斷踢得 唔好但又不斷有得上陣, 領隊只識不斷嘅維護,問題顯然易見係喺領隊道。唔係鼓吹而家嘅即食文化, 但係已經兩年啦,最重要係睇唔到曙光。今屆只係打咗7場已經報銷不特止,咁樣打落去季尾留唔留到喺前半版都成問題。

    肥安唔該

  • Chan Chun Hei
    Chan Chun Hei 於 03/10/2017 評論 NO. 7

    一個字:廢

  • Leslie Lai
    Leslie Lai 於 03/10/2017 評論 NO. 8

    其實我覺得係高普既教法問題
    大部分人都知高普要求踢法高機動,要求快上快落,失波即刻逼搶,搶到波就快攻。變相大部分球員都希望全速向前等隊友俾直線,但完全忽略左企位的重要性,同打陣地戰時變得老鼠拉龜,做唔到傳球滲透

  • 路百列
    路百列 於 03/10/2017 評論 NO. 9

    有時都好難怪人笑你海鮮,上季對强隊攞分弱隊送分,今季就不停派分,直頭係有身份證就有分......歐聯又踢到一舊屎咁,你咁樣不如讓返個歐聯席位俾阿記好過。。

  • Albert Ng
    Albert Ng 於 03/10/2017 評論 NO. 10

    歐聯唔知可以去到幾遠(去得幾遠吖)有理由相信,今季會係十年內聯賽排名最低嘅一年,出年玩吓手高生古仔陳仔(呢個其實冇乜所謂)一齊走,基達先係最慘果件.....

  • Ryan Lam
    Ryan Lam 於 03/10/2017 評論 NO. 11

    其實軒隊同史獨呢類傳統英人可以期望佢地貫徹執行幾多戰術理念? 向來佢地對細微企位或走位都係低理解。反而呢d占士米拿出奇地做得好,但冇得出。

    高普戰術其實已經係簡單之流,理應易明。奈何執行唔到怪邊個? 高生你要自己執屎囉。

    放史獨做正箭,期望係乜? 支點? 士哥手? 其實唔知係乜,見佢又冇態,早出蘇蘭基好過。

    一早有心出返費明奴同蘇蘭基的話,其實下半場踢左一陣發現完全冇改善時,應該即換。
    72分鐘先換入,可以期望乜嘢?

    後防? 算吧啦,不如度下個防中之後點踢,黎減低返後防壓力/非壓力下錯誤仲好。

    回樓上,以阿記板凳深度其實比利記適合出戰歐聯。不過係阿記之前唔爭氣,有本事出年出。唔通我又同人講2014有哨牙蘇果年應該出歐聯呢類咁冇意義既嘢咩。

  • Kevin Lo
    Kevin Lo 於 03/10/2017 評論 NO. 12

    夠激情同熱血便可,撐高普
    高氏防守,英超最愛

  • Daniel Tai
    Daniel Tai 於 03/10/2017 評論 NO. 13

    最終目標係下年英超亞洲杯,依家當然要開始留力啦!

  • Ming Fung NG
    Ming Fung NG 於 03/10/2017 評論 NO. 14

    Tong King ManAnson HuiChak Chung Lau

  • NSane Fluke
    NSane Fluke 於 03/10/2017 評論 NO. 15

    Exactly

  • Rion Ip
    Rion Ip 於 03/10/2017 評論 NO. 16

    放心。利一對曼就會醒神

  • Scottie Ho
    Scottie Ho 於 03/10/2017 評論 NO. 17

    利記冇簡迪,馬圖斯嗰類球員,好難踢德國波嗰種逼搶,高機動性足球!

快捷鍵:←
快捷鍵:→