碧咸:佢重返奧脫福勢爆發!

曼聯新聞 於 01/03/2013 發表 收藏文章
香港時間3月6號3:45am,歐聯16強次回合,曼聯將會坐鎮奧脫福迎戰皇馬。個陣將會係C朗第一次重返佢成名之地,碧咸預言,呢位前世界足球先生將會有出色發揮,曼聯一定要小心啲
2003年夏天,18歲既C朗由士砵亭加盟曼聯,係費Sir既栽培之下,C朗成長為一名世界級射手。2009年6月,C朗以8000萬鎊轉會至皇馬。呢位葡萄牙球員係班拿貝更上一層樓,成為美斯頭號對手。
今季皇馬聯賽戰績慘澹經淡,歐聯成為佢地奪冠既首要目標。不過歐聯16強,皇馬撞上今季狀態極佳、有望衝擊三冠王既曼聯。呢場比賽亦係2009年C朗轉會至皇馬之後首次係正式比賽作客奧脫福。而首回合比賽,正係C朗既入波幫助皇馬以1-1逼和曼聯
C朗繼承左碧咸係曼聯既7號,萬人迷會點睇佢既7號繼任人係奧脫福既表現呢?碧咸相信,C朗今次奧脫福之旅會有出色既表現,碧咸:「當你返到去奧脫福,你自然會好享受,我肯定返去奧脫福會帶比C朗靈咸。對於偉大既球員黎講,好多樣野都可以帶俾佢地靈感,重返奧脫福對佢黎講必定係好特別既一夜。」
「曼聯球迷仍好愛C朗,呢個會係一個好重要既時刻。」碧咸係離開曼聯之後,等左足足7年先可以有重返奧脫福既機會,當時佢係以AC米蘭球員身份倒戈
曼聯係班拿貝取得一個作客入球既和局,碧咸肯定左曼聯既表現,碧咸:「曼聯係班拿貝踢得非常好,我肯定佢地係奧脫福繼續會有好發揮。呢場將會係一場好有觀賞性既比賽,好難講邊隊會贏。因為兩隊都有偉大既球員。」
標籤: 碧咸  曼聯  C朗  皇馬  奧脫福  

留言


請按此登錄後留言。未成為會員? 立即註冊
    快捷鍵:←
    快捷鍵:→