[長江後浪] 4隊超級U21歐國盃隊伍 文字

當大家睇緊洲際國家盃正打得火熱嘅時候,呢邊廂U21歐洲國家盃已經打到去4強喇。4強名單其實唔意外,都係大熱嘅4隊,分別係英格蘭、德國、西班牙同埋義大利。不如我地又睇下到底隊中有咩觸目球星。

1.英格蘭
英格蘭大國腳雖然俾人笑係歐洲中國隊,一直都係雷聲大雨點少,但係估唔到佢地青年賽嘅戰績都唔差架喎。除左剛剛拎左U20世青盃冠軍之外,U21歐國盃都拎過兩次,唔知今次又得唔得呢?

後防線上有啱啱3000萬鎊過檔愛華頓嘅碧福特拍住兩個槍手後防小將,錢伯斯同埋今季備受好評嘅浩鼎。中場有李城嘅加雷同埋聖徒嘅禾特普斯,搭住同樣係踢緊聖徒嘅列蒙攻堅。啱啱幼獅就以3比0擊敗左東道主波蘭,以2勝1和共7分殺入4強。

2.德國
縱觀德青隊U21歐青賽大名單,多位已完成國家隊處子秀、或已名聲在外的球員悉數入圍。後防線上,被視為係保定接班人嘅利華古遜小將莊拿芬-他亞將會係今次隊中嘅後防要員之一。中場和攻擊線更可謂人才濟濟,在德甲表現不俗的艾洛特、達侯特、基拿比、麥斯-美亞、沙基悉數入圍,佢地將會幫呢支德國U21隊衝擊U21歐國盃冠軍。雖然最後一場以1比0輸左俾意大利,但係仍然以最佳小組賽第二名晉級,有驚無險。

但係,呢支德國U21隊都未係最強人腳,因為仲有幾個已經出左名嘅年青球員都無入選U21,反而入選左大國腳踢洲際國家盃,分別有23歲嘅安利簡、22歲嘅甘美治、21歲嘅添姆雲拿同埋20歲嘅軒歷治斯等等。本身效力緊曼城嘅超新星、21歲嘅辛尼都入選左大國腳名單,但最後因傷退出左。如果這班小球星都踢U21歐國盃嘅話,呢支U21德國隊應該會更強。

3.西班牙
馬體會中場沙奧尼古斯同埋皇馬鋒線小將阿辛斯奧應該都算係呢隊西班牙U21名單中最大牌嘅球員。沙奧尼古斯而家已經係馬體會嘅中場主力,更加開始入選到西班牙大國腳。今個賽季,阿辛斯奧喺皇馬表現出色,仲喺啱啱結束嘅歐聯決賽入面入左球波,幫皇馬贏左歷史上第12座歐聯獎盃。唔能夠唔提嘅就仲有阿仙奴嘅右後衛比歷連,今季喺阿仙奴已經多次表現出佢助攻助守嘅能力,實力嚟講都係數一數二,亦喺呢隊波右後衛嘅不二人選。呢隊西班牙星味十足,一早就確定出線啦。

當然,前鋒線上亦都有大家耳熟能詳嘅迪路菲奧,舊年租借加盟左AC米蘭表現唔錯,仲成功帶領上岸入到歐霸盃。今屆佢作為呢隊U21嘅神射手兼隊長,唔知又可唔可以帶領球隊贏到冠軍番嚟呢?

4.意大利
熟悉意甲嘅球迷都肯定覺得呢隊意大利U21唔小野,呢隊波直情去打意甲都絕對沒問題添呀。因為呢隊波前中後三條線都有真勁人! 後防有祖記新星卡達拉和魯加尼,中場有米蘭雙雄嘅加利亞甸尼同埋盧卡迪利。鋒線上更加係人才濟濟,兩位身價超過2千萬歐嘅前鋒,由費倫天拿嘅貝拿迪斯治同埋薩斯索羅嘅貝拉迪聯袂。仲有仲有,就係近排嘅轉會鬧劇主角、身價高達3千5百萬歐嘅AC米蘭門將當拿奴馬。

雖然,係晉級嘅過程上呢隊”意甲”超班馬曾經喺小組賽輸過俾捷克,令大家質疑佢地嘅實力同牌面成唔成到正比。但係之後佢地對陣德國又可以踢得番起,仲以1比0擊敗對手,成功首名出線。

對底呢4隊超級U21隊,邊個可以笑到最後呢? 今晚我地一齊揭曉!
6月27日深夜12:00英格蘭對德國,0300西班牙對意大利

鐘意睇就入嚟我地facebook俾個like啦
https://www.facebook.com/mcdogsports/

留言

會員
我要評論
請按此登錄後留言。未成為會員? 立即註冊
  • Hola Konichiwa
    Hola Konichiwa 於 26/06/2017 評論 NO. 1

    浩鼎,笑咗。下次叫全名,駱浩鼎。

  • Sparta0018
    Sparta0018 於 26/06/2017 評論 NO. 2

    現在多篇足球文章啲字眼“ 套路 ”真深

  • McDog Sports 嘜狗體育台
    McDog Sports 嘜狗體育台 於 27/06/2017 評論 NO. 3

    Sparta0018 姐係點呀..唔係好明嘅點解??

快捷鍵:←
快捷鍵:→