修咸頓對曼聯 - 艱苦的勝仗 文字

接連在開季取得勝仗,摩連奴今場維持一貫正選陣容:

迪基亞
華倫西亞 拜利 鍾斯 楊格
費蘭尼 馬迪
馬達 米希達利恩 拉舒福特
盧卡古

中場失勢

根據摩連奴的賽後訪問,考慮到週中歐聯賽事需遠征俄羅斯作客莫斯科中央陸軍,摩連奴今場希望盡快取得穩勝戰果,故繼續派出四位進攻球員正選上陣,並沒有因作客環境,上屆聯賽盃決賽的劣勢而改踢三中場,間接導致中場失勢。

雖然雙方都排出4-2-3-1陣式,但費蘭尼和馬迪兩名高大防守中場在今場暴露出覆蓋範圍不足,面對勤於走動的羅美奧,勒美拿,史堤芬戴維斯顯得力不從心,兩人合共只取得4次攔截成功,3次搶斷。另外,修咸頓今場對曼聯一對中場中作出針對性部署,每當鍾斯或拜利準備傳送給馬迪和費蘭尼時,朗治,史堤芬戴維斯等人便立即衝前迫搶,令馬迪錄得今季觸球次數最少的59次,費蘭尼亦只有60次,使曼聯未能控制中場局面。

再者,馬達,米希達利恩和拉舒福特等人的回搶能力不足,面對對方壓迫性兼硬淨十足的體力型踢法,往往在皮球爭奪上落得下風,導致解圍後被對方打回頭。相反,修咸頓的一對防中羅美奧和勒美拿今場則踢出代表作,連同史堤芬戴維斯鎮守中圈區域,三人合共取得12次攔截成功,5次搶斷,前兩者的觸球次數更高達94次。

(圖片來源: WhoScored.com)

再看上圖,羅美奧,勒美拿,史堤芬戴維斯三人的活動範圍佔據中場中區域,而費蘭尼,馬迪,馬達,米希達利恩則主要在對方右邊中場和己方偏左中後場區域。中場中區域被對方「以小勝多」佔據,令曼聯中場失勢,影響掌控戰局的能力。

解決方案 - 靴里拉?

基於普巴仍要休養一段日子,接下來歐聯作客莫斯科亦是一場硬仗,要舒緩中場失勢問題,唯有犧牲一名進攻球員。至於中場人選方面,靴里拉或許是解決方案。

上季打出曼聯生涯最佳一季的靴里拉,無論在攔截、威脅性傳球,助攻數字方面都達到個人新高,更成為中場防守第一道屏障,活動範圍廣泛,回追速率高,面對對方靈活型球員不落下風,靴里拉的優點正好彌補馬迪和費蘭尼的弱點。

但是,經過頻密賽程下(全季上陣50場,當中44次正選),靴里拉已經消耗過度,未能在今季回復比賽狀態,影響表現;再加上馬迪成為摩連奴防中首選,令靴里拉在缺乏比賽狀態下更令球迷憂慮何時才能重拾上季光芒。

重啟鐵桶陣

由於進攻四人組遲遲未能爭敢第二個入球,中場失勢,加比亞甸尼後備落場聯同朗治改踢雙箭頭,加上較早前入替馬達的靴里拉未能扭轉中場失勢局面,摩連奴便索性在防線加多一名中堅,以史摩寧換下米希達利恩,改踢5後衛,史摩寧擔任清道夫,鍾斯和拜利成為左右中堅,華倫西亞和楊格留守兩邊。

戰局發展跟上屆聯賽盃決賽相若,善於跟隊友短傳配合的加比亞甸尼為曼聯防線帶來更多威脅,不但策應能力強,最重要是能夠以一己之力牽制兩位守衛。當中一次攻勢差點協助球隊追平,幸好靴里拉力追羅美奧,干擾後者射遠柱斜出。

而當修咸頓領隊栢歷連奴其後再以查理柯士甸入替朗治,摩連奴便立下決心死守至完場,以白蘭特入替拉舒福特,後衛盡出,以6-3-1陣式守到底。

按照比賽形勢,適當地改變球隊陣容和球員配置,無所不用其極,最後更被球證驅逐離場,摩連奴成功帶領球隊取得今季最艱苦的一場勝仗。
【球迷世界 X Futbol Trend 睇波之夜 — 曼車大戰】

留言

會員
我要評論
請按此登錄後留言。未成為會員? 立即註冊
  • Timo Tung
    Timo Tung 於 24/09/2017 評論 NO. 1

    勁辛苦

  • Amoeba Liu
    Amoeba Liu 於 24/09/2017 評論 NO. 2

    有普巴一早輸咗啦

    #曲

  • Leung Otto
    Leung Otto 於 24/09/2017 評論 NO. 3

    唔係費蘭尼在場,曼聯輸左啦

  • Samuel Kuan
    Samuel Kuan 於 24/09/2017 評論 NO. 4

    無盧卡古win 吾到

  • Chung Wong
    Chung Wong 於 24/09/2017 評論 NO. 5

    看似辛苦。

  • Kwan Li
    Kwan Li 於 24/09/2017 評論 NO. 6

    贏就贏

  • C TL Kelvin
    C TL Kelvin 於 24/09/2017 評論 NO. 7

  • ErikoB Sanada
    ErikoB Sanada 於 24/09/2017 評論 NO. 8

    中場 下半場就比人壓住...

  • Howard Chan
    Howard Chan 於 24/09/2017 評論 NO. 9

    真係辛苦,修咸頓搶到好急,打斷哂曼聯既組織

  • Jerry Chan
    Jerry Chan 於 24/09/2017 評論 NO. 10

    呢場 勝仗,睇落贏得辛苦,其實係摩佬 心中有數,贏 、和 都只會在聯賽積分榜上排第二,又要顧住幾日後嘅歐聯,所以 只能係 戰術上調配。還可讓進攻球員保留多一點體力,特別係福仔 和 米希。再加上摩佬想讓防守球員係比賽中快點磨合,就係下半場後半段時間泊大巴,一來觀察下球員狀態和體能,以便安排週中嘅排陣。
    俄羅斯天氣許可下,我相信,摩佬會以快速行軍,去踢係俄羅斯嘅歐聯賽事。反之,如果冰天雪地,就以防守中場為主,踢穩守突擊。

  • Alan Chan
    Alan Chan 於 24/09/2017 評論 NO. 11

    最尾三十分鐘簡直過唔到半場

  • Ryan Sin
    Ryan Sin 於 24/09/2017 評論 NO. 12

    場場波都順風順水咩?反而睇到捱打之下點樣可以守到尾?你估隊隊都捱得打咩?熱刺贏三球都輸兩球
    打拳都唔係一尾進攻都要學識捱打啦

  • James Chan
    James Chan 於 24/09/2017 評論 NO. 13

    條過關飛就因為曼聯 😅

  • Kim Lau
    Kim Lau 於 24/09/2017 評論 NO. 14

    其實都係魔佬一貫作風姐,唔係咩新鮮事,無咩需要大驚小怪🤔

  • Macau Ken
    Macau Ken 於 24/09/2017 評論 NO. 15

    馬迪配費蘭尼,技術上屬於比較粗糙的中場配合,只宜作為戰術上的變招。如用馬迪配靴里拉,則要留意一個小問題,有馬迪在中場,靴里拉總好像失去了應有的位置感。睇返靴里拉配搭卡域克,兩人合作全無問題。如何分配位置責任,建立靴里拉與馬迪之間的良好合作,摩佬應該要好好地思考了。

  • wombat
    wombat 於 24/09/2017 評論 NO. 16

    真係好少見曼聯俾人焗打半場, 但係又硬係覺得佢可以守得到。
    利記千祈唔好學, 如果利記玩死守,我諗輸番三粒都似

  • Dave Lee
    Dave Lee 於 24/09/2017 評論 NO. 17

    太保守了,咁踢法,唔好話對住曼城,車仔利記都唔會贏到

  • Matthew Ip
    Matthew Ip 於 24/09/2017 評論 NO. 18

    睇到今場曼聯防守紀律好好

  • Lambert Yu
    Lambert Yu 於 24/09/2017 評論 NO. 19

    其實入波機會大家50 50,曼聯下半場有两個較大入波機會。相反修咸頓係控制晒下半場大部分時間,但有威脅既攻門唔算有。

    P.S. 修咸頓從來都唔係弱隊

  • Kaiser Jeff Lee
    Kaiser Jeff Lee 於 24/09/2017 評論 NO. 20

    聖人主場唔嬲難打

  • You Lam
    You Lam 於 24/09/2017 評論 NO. 21

    唉~點解唔換馬迪爾入黎。。。

  • Michael  Lui
    Michael Lui 於 24/09/2017 評論 NO. 22

    始終都係鐘意睇以前嗰隊4 4 2

  • 刘善伟
    刘善伟 於 24/09/2017 評論 NO. 23

    接下来 32场 场场一比零小胜。。
    我根本不介意。。

  • Vincent Cheung
    Vincent Cheung 於 25/09/2017 評論 NO. 24

    大半時間都比修咸頓迫住打,摩巴再次出現,但當時只係1:0,其實好危險,有三分落袋真係運氣。

  • @michael@
    @michael@ 於 25/09/2017 評論 NO. 25

    可能想留力週中,贏就算。而且摩佬睇準聖人欠缺人派牌,攻不銳,手揸一粒。再摶槌到不如守到尾,換入防守但人多手腳亂,防守上位置多重疊引致誤會多次。
    以曼聯現時氣勢,突然要主守所以並非一時三刻可習慣。。。。

快捷鍵:←
快捷鍵:→