曼城對熱刺 賽後短評 精選

曼城狀態真係太癲...癲既地方唔係技術, 而係心態

佢地看似自由但其實各私其職, 每人都知道自己既工作, 就算無左D.Silva影響都唔大, 因為熱刺只放左兩個中場中

普捷天奴擺大個頭放晒Alli, Son, Eriksen, Kane落場其實方向正確...大家球員質素平均時, 死守曼城根本自投羅莽, 倒不如用進攻牽引曼城節奏, 要知道曼城中場只有Fernandinho偏防守, 防守較薄弱, 客串左路的Delph更應要重點攻擊
但係心態決定一切, 哥帥當然知道Delph防守弱, 所以命令Sane要經常回防, 呢個舉動一直都有做, 而Sane亦完成都超好, 今場更加多次回防到自己禁區解除危機...更變態曼城反擊時, 經常見到Sane從後高速插上, 基本上整條邊路都見到佢既影子..Sterling, D.Bruyne都係會經常回防緊迫對手

呢種意識就係兩隊既分野

相反熱刺既Alli, Son, Eriksen都唔係經常回防既球員, 而普捷天奴既定戰術都無特別要求係前面既球員要回防太後, 加上中場中只有Winks及Dembélé, 如果Alli唔太回防既話又點對抗Fernandinho, Gündogan, Bruyne?? Son,Eriksen同Sane, Sterling比較跑動範圍又被比下去
下面張圖就標示左曼城既Sane, Sterling, Bruyne對比熱刺既Alli, Son, Eriksen既走動範圍Heatmap...紅圈圈住既就係雙方既防守區域, 好明顯見到曼城左右兩邊都有藍色, 而且係去到底線, 證明Sane, Sterling經常回防, 反觀熱刺係接近零, 防守範圍大概只去到中場偏後
再睇埋進攻, Alli, Son, Eriksen連曼城禁區都無入過咁滯...相反Sane, Sterling, Bruyne係前場掂波次數多好多, 範圍亦大好多...

雙方實力對等時, 呢D走動, 心態就係決定勝負既關鍵

而好明顯曼城既鬥心被熱刺強得多

今季英超可以轉睇護級