城篤史

足球理性分析 於 08/01/2018 發表 收藏文章
#城篤史


足總杯除左阿仙奴輸俾英冠森林出局之外,另一隊英超球隊史篤城竟輸俾英乙球隊Coventry 2比1出局,領隊曉士立刻被炒,其實曉士一直都係被炒既熱門人選,史篤城遲遲都未肯出手炒人,今次連英乙都贏唔到,想避都避唔到。

#城篤史的防守力
季初時都曾經叫風光過,第二輪擊敗阿仙奴,第四輪賽和曼聯,但之後成績就一落千仗,而家排係聯賽榜尾3。不過尾3同第11位既哈德斯菲爾只係差4分,分數未必可以作準。雖然入球方面有23球,場均約1球,全英超第10少,但失球史篤城係全英超最差,22場比賽足足失左47球,平均每場失2.14球,最經典莫過於作客曼城輸7比2,又輸過5球俾車路士同熱刺,防守力之差簡直係笑話。順帶一提-24既得失球差亦係全英超最差。

而係上個月仲要係主場0比3輸俾護級對手韋斯咸,眼見對手換帥後表現反彈,曉士捱到今時今日先被炒史篤城都算仁至義盡。
#城篤史的增援
睇曉士既引援,相信佢都知道防守係重中之重,今季先高價由熱刺帶來中堅Wimmer,再從車路士借來新星Zouma,仲有前波圖中堅Indi,照牌面睇都唔差,但表現就有目共睹。

再係西布朗免簽老將Flecher,從巴黎借黎曾經打過皇馬既Jese,最驚喜莫過於從史浩克04免險番黎既Choupo-Moting,暫時入左4球,已經同Shaqiri、Diouf並列史篤城神射手。

不過最經典都係由西布朗簽番黎既射手Berahino,雖然係上季加盟,但係到而家都仲未係史篤城攞到第一個英超入球,確實有d誇張。(想當年係FM係神童)

唔知大家知唔知?16/17球季曉士曾經用破球會轉會費18.3m鎊羅致中場Gianelli Imbula,不過用左兩季都無好表現今季就借左去法甲圖盧茲。

仲有Bojan,我真係好鍾意佢架,好可惜。

想當年Shaqiri,Bojan加埋Arnautovic係前面真係好好J,行雲流水既地面攻勢亦改變左史篤城淨係識高空轟炸既打法。而家?真係晒氣,諗番Diouf打右翼衛真係得啖笑。

點解突然出篇史篤城?純粹想玩下城篤史。
標籤: 英超  

留言


請按此登錄後留言。未成為會員? 立即註冊
    快捷鍵:←
    快捷鍵:→