今季曼城特別勁?

英超戰至22輪，曼城領先第二名曼聯15分，距離第6位更達23分，究竟係曼城太勁定對手太弱？我地就黎對比番過去兩屆英超，同樣鬥到第22輪頭6名既分數究竟差幾多。
今季曼城足足比上一季排榜首既車路士多7分，更比15/16既阿仙奴多18分，當時阿仙奴既44分去到今季只可以排到第4名。

而今季同上季頭四既球隊其實平均分數都差不多，第二第三位同樣係47分及46分，第四亦只係相差1分。

不過再睇埋15/16球季，當時整體球隊表現對比番近兩季確係特別差。先唔講頭一二名都只係44分，再睇入球數字平均只係3字頭，失球平均2字頭，攻擊力同防守力都較差。
正正代表當季李斯特城可以攞到冠軍，除左自己發揮穩定之外，仲要靠其他球隊同時脫腳，真係佔盡天時地利人和，往後好難再複製。
入球數目曼城今季64球，冠絕三季，失球數只係13球，亦係冠絕三季，再睇埋分數，只可以講今季既曼城真係超晒班。

所以今季如果其他球隊因為同榜首分數相差太遠而被罵，確係有失公平，對比近幾季，表現已經算唔錯。