盧卡古入手，咁接下來組軍仲要搞邊到呢？無錯，加利仔同大家講咗喇：「曼聯要買個hold 波中場。卡域克係就係打多一年，不過佢唔可能每個星期都上陣，要有人去做同樣嘅工作。我認為，馬迪絕對係合適嘅人選。舒尼達連季初走咗，小豬又無得打，一定要有人去代替。但係馬迪的話，車路士唔會放佢走，因為佢同簡迪嘅化學作用好強。無代替人手嘅情況下，車仔唔會放馬迪走。」唔單止咁，干地咁想要盧卡古，依家畀你搶咗，會唔會嬲嬲豬唔放馬迪都係未知之數。
不過曼聯係唔係咁諗呢？係唔係馬迪？據ESPN指，曼聯下一個目標係就係hold 波中場，不過想要嘅唔係馬迪，而係熱刺嘅艾歷迪亞，而出價甚至可以去到5000萬鎊。唔駛諗都知，買馬迪已經唔易，買艾歷迪亞都唔會易得去邊。根據普捷天奴所講，熱刺可以打3421，即係3中堅陣式，艾歷迪亞歸功唔少：「我建立咗一套艾歷迪亞可以打得好舒服嘅戰術排陣。控球權不在己隊身上嘅時候，佢會當自己中場咁打，上前逼搶以求攔截到對方腳下球；但球隊控球在腳時佢就係中堅打法。你可以見到我方有球在腳時，佢會後退到幾位中堅、左右閘球員附近，成為3中堅陣式。」無錯，就係呢個情況之下，艾歷迪亞隨時變身、唔同情況用唔同方式支援隊友，係熱刺的重要棋子之一，要買走佢？真係好困難……
不過曼聯似乎好有信心可以令熱刺讓步，原因在艾歷迪亞自己身上。首先係心態，艾歷迪亞係曼聯粉，佢曾經講過自己偶像之一係堅尼，而自己嘅打法有唔少都係學自呢位鐵血中場；10年時佢仲係打緊士砵亭時就講過，如果曼聯表示對自己有興趣，佢好難拒絕咁話。而另一方面，在於薪金。熱刺球會雖然都唔細，不過有好嚴謹嘅人工架構，想加人工都唔係易事。依家艾歷迪亞賺緊7萬鎊週薪，不過據稱曼聯可以應付double呢個數（數數手指就知，14萬鎊週薪加盧卡古廿萬鎊週薪即係34萬，比朗尼30萬鎊人工多少少）。喺粉絲情意結之上，再加上金錢利誘，艾歷迪亞想加盟、開口同熱刺傾絕唔係奇事。
作為曼聯球迷，你會想要馬迪？定係艾歷迪亞呢？
不過曼聯係唔係咁諗呢？係唔係馬迪？據ESPN指，曼聯下一個目標係就係hold 波中場，不過想要嘅唔係馬迪，而係熱刺嘅艾歷迪亞，而出價甚至可以去到5000萬鎊。唔駛諗都知，買馬迪已經唔易，買艾歷迪亞都唔會易得去邊。根據普捷天奴所講，熱刺可以打3421，即係3中堅陣式，艾歷迪亞歸功唔少：「我建立咗一套艾歷迪亞可以打得好舒服嘅戰術排陣。控球權不在己隊身上嘅時候，佢會當自己中場咁打，上前逼搶以求攔截到對方腳下球；但球隊控球在腳時佢就係中堅打法。你可以見到我方有球在腳時，佢會後退到幾位中堅、左右閘球員附近，成為3中堅陣式。」無錯，就係呢個情況之下，艾歷迪亞隨時變身、唔同情況用唔同方式支援隊友，係熱刺的重要棋子之一，要買走佢？真係好困難……
不過曼聯似乎好有信心可以令熱刺讓步，原因在艾歷迪亞自己身上。首先係心態，艾歷迪亞係曼聯粉，佢曾經講過自己偶像之一係堅尼，而自己嘅打法有唔少都係學自呢位鐵血中場；10年時佢仲係打緊士砵亭時就講過，如果曼聯表示對自己有興趣，佢好難拒絕咁話。而另一方面，在於薪金。熱刺球會雖然都唔細，不過有好嚴謹嘅人工架構，想加人工都唔係易事。依家艾歷迪亞賺緊7萬鎊週薪，不過據稱曼聯可以應付double呢個數（數數手指就知，14萬鎊週薪加盧卡古廿萬鎊週薪即係34萬，比朗尼30萬鎊人工多少少）。喺粉絲情意結之上，再加上金錢利誘，艾歷迪亞想加盟、開口同熱刺傾絕唔係奇事。
作為曼聯球迷，你會想要馬迪？定係艾歷迪亞呢？
請按此登錄後留言。未成為會員? 立即註冊