非曼聯離隊消息：佢2個睇嚟走硬 精選

嗯。無話同曼聯有關。真係無講過。先係巴塞嘅柏度洛迪古斯，成日都被「MSN」壓住，又難怪佢想出走一下，去享受下一隊足球嘅！難保無人阻住佢，佢可以發展得好啲呢？西班牙傳媒就話，柏度洛迪古斯...嘅媽媽就同大家講，柏度下季會去英超發展咁話！不過呢，去邊佢就無透露到...拿，真係唔知去邊架...

而傳媒亦告知大家，如果柏度真係轉會成功，連帶西班牙球隊CD San Isidro都會有錢收，因為柏度17歲時身在CD San Isidro比賽，而加盟巴塞時簽嘅合約入面有條款，只要佢離隊他投CD San Isidro就可以瓜分部分轉會費。如果傳媒所講2200萬鎊先可以買到柏度，咁隊CD San Isidro就會有31萬鎊左右落袋喇。情況就同史達寧轉投曼城，母會昆士柏流浪將就進賬980萬鎊轉會費一樣，呢啲咪就係power of academy囉！
另一邊廂，「下一站嚇死你」嘅伊巴謙又發功，人哋就估佢仲有一年約唔會走住，點知佢就自爆自己「可能係最後一場PSG比賽」！PSG消息指，呢位33歲「神鋒」已經得到會方准許離隊，不過佢下一站係邊？AC米蘭同美職都可能係佢下一站，不過都似乎唔會「嚇親人」...拿，真係唔知去邊架，大家等下啦！