英超誤判頻仍 曼聯成大輸家 精選 推薦

新球季曼聯仍然步步為艱，球員未磨合、後防大問題固然令成績有影響，不過球證判決某程度上亦令曼聯失唔少分。英國太陽報就講到，以2014年計的話，紅魔鬼是失最多12碼的球隊，亦是今個球季「被誤判」最多的球隊。以下是今季較明顯的誤判事件：

西布朗對新特蘭 2:2
安尼捷比的12碼耐人尋味，雖然疑似被人拉衫，不過雙方球員的接觸點近乎無

愛華頓對阿仙奴2:2，
尼史密夫為愛華頓攻入的一球有越位嫌疑。
新特蘭對曼聯1:1
楊格、雲佩斯都在禁區內被侵犯，卻都不獲12碼。

侯城對史篤城1:1史篤城追和的一球來自一個手榴彈攻勢，不過…ESPN 形容呢個界外球為wrongly-awarded throw-in。

阿仙奴對曼城2-2
槍手兩個入波其實都有犯規嫌疑。

曼聯對李斯特城 3:5
李斯特城的第一個入波，未傳中前其實已經出界。而拉菲爾被侵犯無吹，亦造就了之後李城的12碼。

般尼對新特蘭1:1
布朗在禁區內推人、基亞卓尼利亦有在禁區內鏟人，般尼應獲得2個12碼。

新特蘭對史雲斯0:0
史雲斯球員在禁區中被侵犯又無吹。

般尼對曼聯0:0
楊格又係你，不過今次佢禁區內射波射中對方防守球員，應該是手球，無判罰。

睇完，大家都見到新特蘭係好大的「受益人」，起碼因為咁樣得到3分。而曼聯，就因為誤判造成2和1負，間接損失7分，前阿仙奴球員伊恩胡禮認為，如果唔係呢7分，曼聯唔單止有機會爭上榜首，甚至連士氣都會截然不同。於是，外間有唔少聲音話雲帥初到貴景，俾一眾球證同本土足球人士蝦佢…

不過點都好啦，有時都唔怪得球證，電光火石之間，要明察秋毫其實一啲都唔易。更重要嘅係，如果一眾紅魔生性啲，場場都穩穩陣陣贏幾球，咁又駛咩驚誤判先？所以，球證執法當然可圈可點，不過更重要的是曼聯要好好磨合！以呢一班人腳，無話唔得嘅！