香川真司：莫耶斯根本唔信我 精選

嗰頭里奧係書到話完莫耶斯唔知自己係到做緊咩，呢頭又有人出嚟話佢，呢個就係已經轉會重返多蒙特嘅香川真司。香川仔今夏被賣回多蒙特，第一場就已經有入波，比起上季咁多場都無波入，俾人感覺始終返到多仔佢先發揮得比較好，又或者曼聯根本唔識好好重用佢，而佢本人日前就承認，莫耶斯根本對佢冇信心。

香川真司接受訪問時就話喇，「我嘅決定好清晰，就係我只係想返多蒙特，我希望再次晌呢間球會取得成功。外界評定一名球員只係睇統計，有幾多入波、有幾多助攻同有幾多錦標，往往忽略咗好少嘢，這正正就係佢哋唔將我放入佢哋計劃一部份嘅原因，大家都知道我晌效力曼聯嘅第二年有幾困難，領隊從來冇考慮過我，而球隊走勢亦都唔好。對此，我對於重返德國很開心，始終去到邊都有多蒙特在心中。」

就連多仔教練高普亦都講到，費Sir都承認曼聯無善用香川真司，「之前我晌瑞士巧遇到費格遜，佢到今日都仍然十分欣賞香川，不過佢都同我講，『好可惜我哋無俾佢好好發揮』。香川第一個球季仍然令人滿意，去到第2季，球員應該更上一層樓，但佢做唔到，我們本來應該可以更好用他。」

香川喺紅魔嘅日子已成過去，希望佢晌多歎特踢番出應有水準，表現更上一層樓!