曼聯睇中拖連奴後衛??? 精選

轉會窗未重開，但又有關於曼聯嘅轉會傳閒…有傳曼聯今次唔係睇中前鋒喇終於，而係後衛，佢就係拖連奴嘅24歲後衛奧邦拿(Angelo Ogbonna)。

呢位24歲嘅意大利後衛，上季晌拖連奴有好出色嘅表現，幫助球隊今季重返意甲，更令佢可以代表意大利國家隊參加今年6月嘅歐國盃。

報導表示，曼聯想簽呢位後衛加強後防深度，等再有依家傷病情況時，唔洗叫到卡域克去客串中堅，加上里奧佢哋年紀開始大，多一個後生仔做替換亦係好事。而拖連奴體育總監柏達治日前更直認曼聯有意簽人，「我肯定有好多外國球會嚟睇奧邦拿嘅表現，包括曼聯嘅球探，事關佢好有潛質，上年我哋拒絕咗10m嘅出價，估計佢身價應該高過16m，雖然奧邦拿想再進一步，但我相信佢應該繼續留晌拖連奴成長會比較好。」據稱有意購入嘅仲有祖雲達斯同AC米蘭。

依家俾佢表現嘅片大家睇下：
http://www.youtube.com/watch?v=Kz_9yxU--k8&feature=related