有費SIR, NEVER投曼城? 佩雷斯：C朗根本唔想走 精選

C朗一句話：「我晌皇馬踢得唔開心!」但又唔係為加人工，又唔係因為晌西甲俾美斯壓住而唔開心…但佢呢一句，仲攪到滿城風雨，多間有錢球會即刻傳佢哋開始買C朗，包括車路士、曼城、巴黎聖日耳門等…日前就傳曼城準備出價，等佢重返英超，但及後報章引述C朗身邊人話：「C朗依家都有同費SIR聯絡呀，一日有費SIR晌曼聯都做領隊，一日佢都唔會過去宿敵到。」

及後又引述C朗說話：「我18歲去到曼聯，效力咗6年，呢6年費SIR教曉咗我好多嘢，就好似我爸爸一樣，佢係一個好人，佢同摩連奴係世界上最佳教練。」
C朗同費SIR情如父子...

各位曼聯迷當然好想C朗返嚟，更加唔想佢去曼城喇，但係佢想走，都要有球會肯俾錢，以及皇馬又肯賣先得呀…不過以上說話睇怕都變成傳聞傳下喇，事關皇馬主席佩雷斯一句：「C朗根本唔想走!!!」
佩雷斯就講喇，「如果C朗真係想離隊呀，佢就應該晌轉會市場仲未關之前就講喇，所以佢呢番發言，只係講佢依家本人唔開心，但並唔係代表佢想離開皇馬。」

佩西斯：大家諗多咗喇，C朗根本唔想走...

及後就連皇馬隊長卡斯拿斯都出嚟幫口：「希望球迷可以俾多啲時間C朗，有時球迷可能好難理解佢依家點解唔開心，但球員都係人，佢都有自己嘅顧慮，希望大家體諒C朗。」
C朗曾經講過隊內有人知佢點解唔開心，咁睇怕主席同卡斯拿斯都好似知啲嘢咁，或者佢哋講嘅係真，C朗無誋過離隊，如果係，大家就唔洗怕費SIR退休後，佢會去曼城囉…

大家俾啲時間C朗喇...
各位曼迷一定好想佢哋一齊嚟曼聯，但睇怕會美夢落空...