曼聯宿敵?已經不是利物浦了!

曼聯專區 於 27/04/2012 發表 收藏文章
利物浦同曼聯爭逐已經半個世紀,18次的頂級聯賽冠軍;望落去好似真係同曼聯有得揮,不過睇細啲,英超成立將近20年,19次的聯賽冠軍都無利物浦份,換句話講利物浦已經20年與頂級聯賽的冠軍無緣。反之,雖然曼城更久遠,已經44年未有冠軍,不過好多人都睇好佢哋成為曼聯的最大敵人,甚至有機會奪走今年的英超冠軍!可見曼聯的最大宿敵已經換人,就係曼城!

爵爺都認同曼城的重要性已經提高好多:「我哋一定要習慣同曼城比賽,特別係重要嘅賽事。佢哋唔會無啦啦跌watt架,你睇佢哋財政幾咁充裕,就知道曼城之後一定會喺大賽嘅常客。好似上年FA Cup咁已經對過佢哋,我預期之後好多盃賽決賽、準決賽都會碰上藍月亮。

比起對利物浦嘅賽事係好唔同,對利記會係好激情,因為兩隊的因緣實在太多了。不過對依家嘅曼城就會係好重要,因為往往關係到成績同排名。毫無疑問,曼城已經成為我哋爭標嘅頭號敵手,我亦不諱言,我只會集中精神應付有機會挑戰曼聯地位嘅球隊。」可見曼城喺爵爺心目中地位有幾高!

而對星期一嘅比賽,爵爺認為之前的賽果已經完全唔重要,所有賽事好似都係為咗星期一而存在一樣。無論之前邊個失分、邊個和波都無所謂,因為所有嘅結果已經在於一場比賽入面!大家準備好睇波未呢?離曼市打比尚餘:80小時!
標籤: 曼聯  利物浦  曼城  曼市打比  

留言


請按此登錄後留言。未成為會員? 立即註冊
    快捷鍵:←
    快捷鍵:→