曼聯一早睇中5歲足球天才? 但個細路竟係曼城fans…

據《英國鏡報》報導，曼聯羅致一名年僅5歲、叫做查理積臣（Charlie Jackson）的足球神童! 原本5歲就發掘到佢咁有足球天賦，就已經係一件好神奇嘅事，事關5歲小朋友，球隊就咁有信心佢日後以足球員之路發展?

更神奇嘅係，據英國傳媒指，原來紅魔球探早在積臣3歲嗰時，已發現到佢足球天賦非常之高，本來早就想簽入青訓營，但因年紀太細喇，所以就將計畫延遲，到佢5歲先簽佢，佢依家仲同比佢大一歲嘅波友一齊訓練添….

呢個就係查理積臣（Charlie Jackson）...睇呢張相，好似有板有眼呵~~

但唔講唔知，最諷刺嘅就係，原來小積臣全家都係曼聯死敵 - 曼城嘅球迷，佢父親安迪仲話：「他偶像係赫特和巴洛迪利，最初他好唔願意去曼聯受訓，現在終於克服咗，事關呢個真係一個好難得嘅機會，可以俾大家知道佢嘅足球天賦。」

最後，佢呀爸仲話：「我地全家都唔會俾壓力佢，俾佢自由發揮喇，當然，如果有一日佢可以轉投曼城，咁就仲好。 」小積臣爸爸想下好喇，曼聯咁細個簽佢入嚟，投資咁多去培訓佢，你估曼聯會俾佢去到曼城?


唔知 kai 仔會唔會好似daddy咁有足球天賦? 話唔定日後可能同小積臣做波友...