曼聯美洲之旅大軍名單

曼聯專區 於 10/07/2011 發表 收藏文章
曼聯晌嚟緊香港時間7月14日上年8點就會晌美國,同新英倫革命隊打第一場友詛賽,而曼聯亦同公佈咗邊個會參加熱身賽。雖然只係踢熱身賽,但邊個有份去、邊個唔去,就同佢哋嚟緊來季仲會唔會留隊有好大關係,依家就等曼聯專區同大家講講名單... .

名單:
門將:迪基亞、連迪加特、賓阿莫斯、莊遜史東 (Sam Johnstone)
後衛:拉菲奧、法比奧、維迪、莊尼伊雲斯、里奧費迪南、艾夫拿、菲臘鐘斯、史摩寧
中場:傑斯、卡域克、蘭尼、安達臣、朴智星、奧巴坦、基華利
前鋒:朗尼、貝碧托夫、馬捷達、馬美迪奧夫、艾殊利楊格、韋碧克、查維亞靴南迪斯、奧雲

曼聯星期一先會有21個球員跟大隊出去,新兵包括艾殊利楊格,而另外兩個新兵迪基亞 同 菲臘鐘斯就會放長一啲假,稍後就會同韋碧克、基華利、查維亞靴南迪斯同史摩寧一齊歸隊。

唔知大家睇唔睇到邊個無得去呢? 答案就係 費查、吉遜同古斯錫,費查就因為上季傷得太耐,獨自留晌曼聯到訓練體能,至於吉遜同古斯錫就....睇嚟晌曼聯嘅日子好可能進入倒數階段... .
睇嚟你2個好大機會離隊他投...

仲有,曼聯已經公佈咗來季最新number,迪基亞當然係1號喇,至於菲臘鐘斯就會穿 4號,而艾殊利楊格就會著 18號,正式成為史高斯接班人... 上季美洲之旅嘅相,同今年比較,已經變咗好多...

標籤: 曼聯  美洲之旅2011  

留言


請按此登錄後留言。未成為會員? 立即註冊
    快捷鍵:←
    快捷鍵:→