好學唔學學斯維斯達？奧沙想去阿仙奴！

咁多年來曼聯阿仙奴都好少有球員相互轉會，所以當年的斯維斯達轉去阿記都幾哄動！事隔幾年，除咗傳拿斯尼來曼聯之外，竟然又有一單？仲係曼聯通天老倌奧沙！

事緣係阿仙奴應該估到自己無辦法留得住基列治，有可能俾曼城用700萬英鎊搶走，為咗加強防線阿仙奴想買卡希爾，不過佢值1700萬，以阿仙奴唔捨得大駛的一貫作風，未必肯俾呢一筆轉會費，而權宜之計竟然係買30歲的奧沙！

其實之前已經傳新特蘭想要奧沙同吉遜，不過奧沙就講明唔想去黑貓，而對阿仙奴對佢嘅青睞有興趣啲！如果佢地真係對奧沙有興趣，咁對近來甚囂塵上的拿斯尼來投都有一定幫助，因為曼聯可以用奧沙作為轉會籌碼。同時都係得返一年約，拿斯尼同基列治都係雲加必須處理的事情，究竟係教授游說二人留隊成功，定係益咗曼聯曼城，俾兩人各自投奔喜歡的新東家呢？下星期應該會揭盅了！

來源：鏡報

跟我去阿記啦！雖然依家我唔係打阿記！我一個頂三個，你唔係唔要我呀嘛？仲可以做埋龍門！勁呢？