曼聯出動CEO搶山齊士？？

根據英國太陽報報導，曼聯CEO基爾昨晚竟然親自出撃，飛到西班牙巴塞隆拿與烏甸尼斯主席普素會面，誓要搶到當紅智利中場阿歷斯山齊士！

面對曼城、巴塞及一眾吼實山齊士的球隊，曼聯已經準備2700萬英鎊的轉會費，再加上「基爾月下追普素」，夜媽媽飛過去務求佔得先機。而此舉最大的目的是針對曼城，因為曼城一直以為自己可以以強大的財力，包括龐大的轉會費用及薪金利誘烏甸尼斯開綠燈，俾山齊士加盟。然而曼聯呢一招出動CEO一舉改變咗局面，依家山齊士的去向已經唔一定係曼城！
其實一開始曼聯係出2300萬英鎊，不過呢個價係一定唔夠曼城同巴塞爭的，所以基爾就決定加碼！而太陽報亦指出，呢一單交易有好大的機會成功，因為山齊士本人都好想過曼聯，如果真係有基爾的親自游說，成事機會很高。

但筆者自己呢就唔係咁信呢一個傳聞，因為好多大傳媒都未有報導，好似衛報、espn咁，而espn 尋日仲講緊有興趣的球隊有國米、祖記、巴塞、曼城，半隻字都無提曼聯。而且已經有說山齊士身價其實已高達3500萬鎊，同上面講的2700萬鎊仲有一點距離。所以有無機會呢？筆者都係持觀望態度！
來源：太陽報