太陽報:2011年朗尼易筋換骨之謎 (連曼聯對韋斯咸影片)

曼聯專區 於 28/04/2011 發表 收藏文章
朗尼仔唔同美斯、細哨咁可以以一己的技術突破所有敵衛入波,佢係一個典型打teamwork的球員。佢唔獨食,一心為隊友同球隊著想,所以係前面佢無一個好拍檔時就會成日失神、唔知自己做緊咩,甚至終日流連中後場搵波打、支援隊友,令佢發揮唔到真正實力。所以有迪維斯、C朗的日子,大家唔難見到曼聯所向披靡,因為朗尼就係將迪維斯、C朗實力加倍的幕後功臣!
今季的朗尼一開始狀態麻麻,又受傷患影響,最慘係身邊無咗一個好兄弟配合,令光芒一時黯淡。不過,下半季佢搵到新的前線拍檔小豆靴南迪斯之後,立即回復表現!開季到1月佢都只入4球,但之後隨住小豆融入球隊,朗尼就開始爆發,2月至今已經入咗11球,包括對韋斯咸的連中三元!
講到下半季脫胎換骨,朗尼話係因為佢搵到球場上的新位置。係邊?就係小豆後面,中場前少少嘅位置勒!依家嘅朗尼係進攻中場的位置連繫中場同鋒線,做搶波交波的支援工作之餘,得閒又後上做下影子殺手,一時間令佢同小豆的入球增加唔少。佢自己更表示佢好明白小豆嘅打法,所以同佢拍檔自己就會墜後一點,自己為小豆鋪橋搭路之餘,亦可以拉鬆啲空位,令自己入波的機會大增。
筆者自己就好中意朗尼呢一種前鋒,因為足球唔係一個人嘅運動!佢話:「我唔係咁中意打最前的位置…因為你會同場比賽好疏離,只可以等機會。依家呢個位置幾好呀,我可以參與多啲,又有波入!」各位又點睇朗尼的新位置呢?
資料來源:英國太陽報朗尼:有啲掛住你兩個tim...迪維斯、C朗:朗尼係個到呀!朗尼:我未死ga兩位人兄...新拍檔!http://www.tudou.com/programs/view/FpnwK36j3SU/等我地重溫一下對韋斯咸朗尼連中三元,後來居上的精華!資料來源:土豆網
標籤: 朗尼  

留言


請按此登錄後留言。未成為會員? 立即註冊
    快捷鍵:←
    快捷鍵:→