英國太陽報：里奧教路曼城點贏紅魔？？

係，你無睇錯，里奧費迪南真係教曼城點先可以贏到紅魔！佢點講？佢話：要訣好簡單，就係先安內，後攘外！睇下曼聯，隊內無人嬲領隊、無人結黨營私，所以向心力就高，團結就是力量！但曼城就唔得勒，巴洛迪利同迪維斯成日發小朋友脾氣，隊入面嘅氣氛咪唔好囉！里奧老師仲教大家一句英國諺語，就係「Throw your toys out of the pram」勒！意思就係巴洛迪利同迪維斯少少問題都發大，好似啲小朋友扭計扔玩具要引爸爸媽媽注意，咁咪唔乖囉。一個小朋友唔乖，咁就成班都無心機上堂啦！點贏波呢？
對於曼聯再成為三冠王的機會，里奧話成隊都好想做到，始終三個盃賽都入哂直路嘛！不過隊友們係唔會講：「我地要贏三冠王！」，而係講：「我地要贏下一場比賽！」咁謙卑呀？好啦，咁就等我地祝曼聯一場一場慢慢贏落去啦！壊孩子二人組！大家仲有無掛住紅魔迪維斯呢？好多紅魔粉絲都好中意佢呀！里奧：拿，你都曳曳過，小心啲好！乖啲有著數呀！(設計對白)登登登登！99年的3個大盃就係到勒！
來源：英國太陽報