鐘斯續約至2019

曼聯專區 於 30/06/2015 發表 收藏文章
新後衛就未有喇,不過身負打不死之名、跌低咗都要用頭解圍嘅鐘斯就率先續約,合約會去到2019年之餘,更有條款可以選擇是否延續多一年。23歲的鐘斯2011年嚟到曼聯,已經為紅魔鬼上陣128次,亦已經有一個聯賽冠軍獎牌喺屋企喇。

對於佢續約,雲帥當然有嘢講:「我哋好開心佢續咗約,佢真係好有潛質,最勁係通天老倌的特質,可以勝任好多唔同位置。佢仲好後生,仲可以好好發展同進步。雖然佢上季都幾多傷在身,無打幾場比賽,不過佢受傷其間表現出嘅專業精神令我都好感動。」鐘斯自己都好高興:「我好開心續咗約,咁耐以來我都好享受曼聯的生活。而且我都好期待可以好好進步!可以成為呢隊偉大球隊的一份子真係好好,我已經好期待新球季。多謝領隊、球會職員同埋粉絲支持!」

外間都估計,今次鐘斯續約之後薪水增至12萬周薪,而已經擁有17頂「喼帽」嘅佢好有可能成為英軍同曼聯的後防重心之一。加油呀!
你算吧啦c朗!

標籤: 鐘斯  

留言


請按此登錄後留言。未成為會員? 立即註冊
快捷鍵:←
快捷鍵:→