今季曼聯第二簽可能令大家都有啲意想不到，竟然係「歐洲紅魔」比利時前鋒盧卡古。我哋先睇下《天空體育》係點講呢個轉會。
原來喺5月，skysports總部已經收到消息，知道曼聯想買嘅前鋒名單當中，盧卡古係第一選擇！不過因為當時人人都認為車路士似乎跑先，個個都以為盧卡古甚至連約都簽咗一半，所以根本無人留意曼聯暗地裡嘅工作。而莫拉達都有傾過嘅，不過就流於傾，一來佢原本就唔係曼聯首選，其次就係比起盧卡古已經證明自己喺英超有能力入波，相比之下莫拉達就係賭博成份較高。
而大家唔可以唔記得，就係盧卡古嘅經理人係邊個。無錯，佢就係費爵爺好唔喜歡嘅利奧拿，亦即係伊巴、普巴嘅經理人。咁就明顯睇得出，呢單轉會一開始已經贏在起跑線上，因為有個近水樓台。而睇返一個月前，盧卡古就咁講：「我經理人已經為我安排好，我知我想點，我知到咁上下就會發生。」無錯，嗰時利奧拿已經為曼聯安排緊轉會，而要傾可能只係愛華頓收幾多。
可能你會諗，點解係盧卡古？佢明明就係畀摩連奴賣走嘅眾多球員之一。但可能大家都無咩留意，其實盧卡古有講過佢呢次離隊。當摩連奴被車仔辭退之後，佢就咁講：「做決定嘅係我自己，係我個人意願。唔係摩帥決定，亦唔係車路士高層。人人都話係摩連奴嘅錯，但真係唔係。係我自己去佢辦公室同佢講，問佢我可唔可以離隊，而佢係第一個祝福我嘅人。當時我同愛華頓於11點簽約，之後第一個message我嘅就係摩連奴：『祝你好運，要做到最好！下季見。』佢係一個偉大嘅人，傳媒寫佢我都唔會睇，因為我知佢喺背後有幾努力，唔係個個領隊做到佢咁。」
所以同大家嘅諗法唔同，摩帥同盧卡古原來關係唔係差！而實用為上嘅摩連奴，連有表面「牙齒印」嘅馬達都可以冰釋前嫌，點會唔肯用原本就無心病嘅「小魔獸」？摩連奴對盧卡古唯一嘅不滿，就係佢講嘢講一半，唔肯講自己點解離開車路士，不過佢自己都知，真正原因係車仔唔可能保證佢有正選一隊前鋒打。而季尾盧卡古自己都講，佢知道自己已經有長足嘅成長，想要有更多機會、更多空間，更重要係好想打歐聯。一個已經證明自己嘅射手、一個勝任喺頂級球會打正選，有入球保證嘅前鋒，摩連奴點會唔用。
來源：
盧卡古加盟之謎
小魔獸自白
盧卡古自願「落車」
原來喺5月，skysports總部已經收到消息，知道曼聯想買嘅前鋒名單當中，盧卡古係第一選擇！不過因為當時人人都認為車路士似乎跑先，個個都以為盧卡古甚至連約都簽咗一半，所以根本無人留意曼聯暗地裡嘅工作。而莫拉達都有傾過嘅，不過就流於傾，一來佢原本就唔係曼聯首選，其次就係比起盧卡古已經證明自己喺英超有能力入波，相比之下莫拉達就係賭博成份較高。
而大家唔可以唔記得，就係盧卡古嘅經理人係邊個。無錯，佢就係費爵爺好唔喜歡嘅利奧拿，亦即係伊巴、普巴嘅經理人。咁就明顯睇得出，呢單轉會一開始已經贏在起跑線上，因為有個近水樓台。而睇返一個月前，盧卡古就咁講：「我經理人已經為我安排好，我知我想點，我知到咁上下就會發生。」無錯，嗰時利奧拿已經為曼聯安排緊轉會，而要傾可能只係愛華頓收幾多。
可能你會諗，點解係盧卡古？佢明明就係畀摩連奴賣走嘅眾多球員之一。但可能大家都無咩留意，其實盧卡古有講過佢呢次離隊。當摩連奴被車仔辭退之後，佢就咁講：「做決定嘅係我自己，係我個人意願。唔係摩帥決定，亦唔係車路士高層。人人都話係摩連奴嘅錯，但真係唔係。係我自己去佢辦公室同佢講，問佢我可唔可以離隊，而佢係第一個祝福我嘅人。當時我同愛華頓於11點簽約，之後第一個message我嘅就係摩連奴：『祝你好運，要做到最好！下季見。』佢係一個偉大嘅人，傳媒寫佢我都唔會睇，因為我知佢喺背後有幾努力，唔係個個領隊做到佢咁。」
所以同大家嘅諗法唔同，摩帥同盧卡古原來關係唔係差！而實用為上嘅摩連奴，連有表面「牙齒印」嘅馬達都可以冰釋前嫌，點會唔肯用原本就無心病嘅「小魔獸」？摩連奴對盧卡古唯一嘅不滿，就係佢講嘢講一半，唔肯講自己點解離開車路士，不過佢自己都知，真正原因係車仔唔可能保證佢有正選一隊前鋒打。而季尾盧卡古自己都講，佢知道自己已經有長足嘅成長，想要有更多機會、更多空間，更重要係好想打歐聯。一個已經證明自己嘅射手、一個勝任喺頂級球會打正選，有入球保證嘅前鋒，摩連奴點會唔用。
來源：
盧卡古加盟之謎
小魔獸自白
盧卡古自願「落車」
請按此登錄後留言。未成為會員? 立即註冊