曼聯專區小評:以快打慢奏效!

曼聯專區 於 17/04/2017 發表 收藏文章
昨晚嘅比賽,唔單止曼聯球迷睇得開心,連熱刺球迷一樣忘形。紅魔鬼呢2球,唔單止氣走車路士,仲畀咗一個空間熱刺後來居上,因為7連勝嘅熱刺氣勢上比起突然跌watt嘅車路士強好多,最後幾場比賽有咩變數仲係未知之數。作為曼聯球迷,諗返過去8場聯賽對陣曼聯都無贏過車路士(4負4和),呢一口氣真係忍足好幾年;再加上呢一贏隨時幫熱刺過埋車仔頭、冠軍都搶埋,就更令人心涼。而呢個心涼,當然要歸功主帥摩連奴嘅指揮。

如果有留意專區嘅評論,都應該仲記得筆者喺《太慢的刀「鋒」利都無用》入面講過,曼聯今季好多時因為伊巴、普巴上腳太多,令對手好易防守、好易反操控節奏。而今場比賽,明眼人都睇得穿摩帥係想留力對安德列治,收起伊巴呢把最強尖刀、好好養精蓄銳,造就靴里拉、楊格、連加特、福仔呢幾個中場球員擔起大旗。偏偏呢幾個球員都係以速度、one touch見稱,無咗伊巴上腳、大大鬆縛之後,曼聯今場波攻擊線上立即變得極為高速、靈活,節奏加強唔少,為車路士後防帶來極多嘅麻煩,如果唔係楊格唔記得點射波,比數可能更大。呢一招絕對係反映咗曼聯有伊巴時太過上腳、唔夠機動嘅問題。

不過前場有高機動性,其實都要有供應,咁就要數埋摩帥今仗另一個重要嘅部署,中場嘅爭奪。今場靴里拉改咗名,叫「吊靴鬼里拉」,只要夏薩特去到邊,吊靴鬼里拉就去到邊,唔單止中斷咗唔少攻勢、打亂咗幾多中場部署,更加令曼聯借到唔少對方嘅混亂進行推進同攻擊。呢個就係靴里拉防守做得好之餘仲貢獻一助攻一入波嘅原因,佢實在製造咗唔少空位畀自己同埋隊友。同時,佢唔係孤軍作戰,中場仲有個大舊佬爆炸頭,頭頂腳踢中斷同攔截唔少對手嘅攻勢。今仗車路士傳球成功率唔高,只有78.8%,靴里拉同費蘭尼居功不少。而正正就係有佢哋爭取供應、打斷對手套路,先可以令楊格、連加特、福仔主宰攻擊線。

所以呢一場比賽,大可以成為曼聯下季嘅陣容範本。無咗米希達利恩、馬達做中場串連都可以打到咁高速嘅戰術,如果有埋佢哋一個跑、一個傳,對曼聯嘅攻擊線而言絕對係好事。只不過到時伊巴點算好?伊巴晌前線有一定功用,佢腳法同埋門觸覺,紅魔隊波入面無人拍得到佢,所以大家都依靠伊巴爭取入球就一定……其實佢大可以學一下瀟灑哥貝碧托夫,唔好返咁多中場拎波、多啲喺禁區行行企企,啲嘢畀啲細嘅做啦,靴里拉同費蘭尼爭中場;米希達利恩、馬達、福仔、馬迪爾拉空空位,伊巴乖乖哋等波到,怪腳好頭槌好,只要有供應,伊巴就會有波入。呢個唔會好得過下下上腳、拖慢嚟打咩?
標籤: 曼聯  車路士  
【世界盃 ng sick ball 街訪 — 第三集】

留言

會員
我要評論
請按此登錄後留言。未成為會員? 立即註冊
  • Yung Chi Leung Eric
    Yung Chi Leung Eric 於 17/04/2017 評論 NO. 1

    鬥志高昂

  • 陳迪
    陳迪 於 17/04/2017 評論 NO. 2

    一季得一場呢d波,如果場場都係咁就前四爭冠啦~

  • John Poon
    John Poon 於 17/04/2017 評論 NO. 3

    夠專注、攔截夠準、人釘人戰術有效,其實我認為無論對任何球隊都要有人釘人,起碼令對方有壓力,傳送都無咁容易。

  • Dennis Wong
    Dennis Wong 於 17/04/2017 評論 NO. 4

    戰術成功,以快打慢...
    仲有H21同爆炸頭兩個中場嘅出色表現👍👍👍👍👍

  • Marvin Wong
    Marvin Wong 於 17/04/2017 評論 NO. 5

    Keep 到季尾呀👍🏻👊🏻👊🏻

  • Tung Tsoi
    Tung Tsoi 於 17/04/2017 評論 NO. 6

    可以咁講。。伊巴番後場搶波。。係班細之前做得唔好。。。終於而家生性。。希望伊巴下黎留低或退役啦。。。

  • Elton Liu
    Elton Liu 於 17/04/2017 評論 NO. 7

    上下一心

  • Andy Lo
    Andy Lo 於 17/04/2017 評論 NO. 8

    贏摩佬

  • Lance Larm
    Lance Larm 於 17/04/2017 評論 NO. 9

    因為靴里拉將夏薩特照顧得好周到

  • Kane Lao
    Kane Lao 於 17/04/2017 評論 NO. 10

  • Sam Chan
    Sam Chan 於 17/04/2017 評論 NO. 11

    靴里拉,爆炸頭,羊

    三大功臣
    效率高,走上走落做到野

  • 李加俐
    李加俐 於 17/04/2017 評論 NO. 12

    琴日個陣似係費爵爺style

  • 先駒
    先駒 於 17/04/2017 評論 NO. 13

    只要球証公平一點,曼聯就會贏

  • Rex Wong
    Rex Wong 於 17/04/2017 評論 NO. 14

    魔帥點兵,將士用命,打出部署,缺一不可✌

  • Pong Kin Wong
    Pong Kin Wong 於 17/04/2017 評論 NO. 15

    👏👏

  • 彼得潘
    彼得潘 於 17/04/2017 評論 NO. 16

    X factor在雙防中出色,爆炸頭做好破壞工作,Herrara mark實Hazard

  • Chong Min
    Chong Min 於 17/04/2017 評論 NO. 17

    希望不是昙花一现

  • 振敏
    振敏 於 17/04/2017 評論 NO. 18

    楊格射波仲西過我

  • Lam Kheng Hong
    Lam Kheng Hong 於 17/04/2017 評論 NO. 19

    三军用命

  • Chi Leonardo
    Chi Leonardo 於 17/04/2017 評論 NO. 20

    我反而覺得係一個舒拉福特就搞到對方後防風聲鶴唳

  • Long Yin Lam
    Long Yin Lam 於 17/04/2017 評論 NO. 21

    成篇文冇提過普巴

  • KH Lai
    KH Lai 於 17/04/2017 評論 NO. 22

    其實我覺得講漏左就係…摩佬琴晚應該落左order…中後場有波就大腳傳去前面空位…避過狀態top fit既簡迪…減小同佢正面交鋒…要知道如果係中場去做波…簡迪最叻就係去破壞捉路不停斷你中間既傳球…相反琴晚狂大腳交上前場比福仔同連仔去追去哨…令到簡迪作用減到最少…中場控制唔到…Harzad同哥斯達自然愈踢愈無貨
    btw:覺得琴晚費蘭尼無名英雄…表現可以同h21睇齊

  • Andy Fung
    Andy Fung 於 17/04/2017 評論 NO. 23

    哥斯達d小動作真係好撚黑人憎

  • Ping Chiu Wong
    Ping Chiu Wong 於 17/04/2017 評論 NO. 24

    琴晚成隊波踢得爽及傳球快,不控球在腳。

  • Lee Jam
    Lee Jam 於 17/04/2017 評論 NO. 25

    贏在啲波唔經妹妹

  • Roger Ho Chi Chung
    Roger Ho Chi Chung 於 17/04/2017 評論 NO. 26

  • Kinming Fung
    Kinming Fung 於 17/04/2017 評論 NO. 27

    普巴無乜上腳

  • Chikin Ieong
    Chikin Ieong 於 17/04/2017 評論 NO. 28

    呢場贏波固然開心,但係亦覺得痛心。呢隊波絕對係有能力同有鬥心,但係點解今時今日嘅成績會咁?究竟係出咗咩問題?

  • Kelven Chung
    Kelven Chung 於 17/04/2017 評論 NO. 29

    天下武功,唯快不破

  • 評 · 曼聯
    評 · 曼聯 於 17/04/2017 評論 NO. 30

    證明隊波係有打快的能力,同埋冇出Ibra都係關鍵。以第一個入波為例,Ibra就唔會有Rashford的效果。
    但當然,有好多野I9做到R19做唔到,要因應對手出唔同的人

  • Dan Lau
    Dan Lau 於 17/04/2017 評論 NO. 31

    最勁系靴里拉,身體每一個部份都能踢波

  • Raymond Cheung
    Raymond Cheung 於 17/04/2017 評論 NO. 32

    踢出水準

  • Kevin Wong
    Kevin Wong 於 17/04/2017 評論 NO. 33

    入第一球,龍門就唔應該出,出得尼仲好古怪,有心放比佢入咁

  • Kelvin Lam
    Kelvin Lam 於 17/04/2017 評論 NO. 34

    費蘭尼琴晚去到邊見到邊

  • Roy Wong
    Roy Wong 於 17/04/2017 評論 NO. 35

    左羊右華重現江湖

  • 蔡杰绅
    蔡杰绅 於 17/04/2017 評論 NO. 36

  • Roy Wong
    Roy Wong 於 17/04/2017 評論 NO. 37

    其實普巴對住簡迪同馬迪,都踢得好落力,老實講佢琴晚真係唔錯,只不過靴尼拉同爆炸頭更搶眼

  • Po Po Ching
    Po Po Ching 於 17/04/2017 評論 NO. 38

    曼聯最上腳嘅係普巴而唔係伊巴.....

  • Jackie Valenciana
    Jackie Valenciana 於 17/04/2017 評論 NO. 39

    正式宣佈, 曼聯J文連環發炮

  • Mandy Tam
    Mandy Tam 於 17/04/2017 評論 NO. 40

    爆炸頭應該多謝摩連奴比左咁多机會佢 ! 令佢昨晚有机會踼到識飛咁,全場都見到佢。

  • Eric Yim
    Eric Yim 於 17/04/2017 評論 NO. 41

    攻方面,快同走位係主因。守方面就快搶同夾擊。當然,攻守都追到底同將士用名既心態好重要。

  • Matthew Choi
    Matthew Choi 於 17/04/2017 評論 NO. 42

    贏一場洗唔洗禁多j post

  • Kelvin Tsui
    Kelvin Tsui 於 17/04/2017 評論 NO. 43

    Pogba尋晚掂波唔多係贏波關鍵

  • Jeffrey Yeung
    Jeffrey Yeung 於 17/04/2017 評論 NO. 44

    其實最開心唔係贏波咁簡單,係我終於見到不惜一切,拼盡全力去爭勝果團火,呢團火先係隊波既靈魂。

  • Sand Lim
    Sand Lim 於 17/04/2017 評論 NO. 45

    只係贏一場重頭戲,搞到好似贏咗全世界!一日到黑po一樣嘅嘢!

  • Ronny Long
    Ronny Long 於 17/04/2017 評論 NO. 46

  • Kong Wai Kwan
    Kong Wai Kwan 於 17/04/2017 評論 NO. 47

    我覺得普巴呢場都係踢得差 大家同意嗎

  • Ka King Lit
    Ka King Lit 於 17/04/2017 評論 NO. 48

    😂😂唔知以為拎左世界杯😂😂
    .......曲

  • Kenneth Chu
    Kenneth Chu 於 17/04/2017 評論 NO. 49

    我已在多個post講過,普巴真係唔適合曼聯,佢真係名大於實(所以費sir當年唔要佢絕對有原因),成日想做大佬但根本唔夠料,相反費蘭尼,靴仔攻守兼備,絕對係今場蠃波關鍵。

  • Chan Chu Him
    Chan Chu Him 於 17/04/2017 評論 NO. 50

    whole floor _ _ _ _ _

  • James Tsang
    James Tsang 於 17/04/2017 評論 NO. 51

    靴里拉跟夏沙特去到廁所,好強

  • Marco Ma
    Marco Ma 於 17/04/2017 評論 NO. 52

    古圖魯斯缺陣

  • David Lun
    David Lun 於 17/04/2017 評論 NO. 53

    發揮出紅魔鬼傳統落場態度,只有普巴比較大牌,希望他能改善當一個真正紅魔鬼。

  • Alex Cheung
    Alex Cheung 於 17/04/2017 評論 NO. 54

    曼聯搵到方程式,下季大獲了

  • Gor SK
    Gor SK 於 17/04/2017 評論 NO. 55

    球證麻麻地,但曼聯確實係踢左場好波,我地係輸好多自己野

  • David Raphael Nip
    David Raphael Nip 於 17/04/2017 評論 NO. 56

    "所以呢一場比賽,大可以成為曼聯下季嘅陣容範本。無咗米希達利恩、馬達做中場串連都可以打到咁高速嘅戰術,如果有埋佢哋一個跑、一個傳,對曼聯嘅攻擊線而言絕對係好事。"......問題係無咗伊巴, 馬達, 希達利恩, 曼聯才可打得那麼快, 出番佢地又慢番, 有技術的球員總會上腳, 此天性也. 一得一失, 如何取捨, 這才關鍵. 今場能夠打爆車仔, 不等於打其他隊有用, 尤其面對擺大巴的弱隊, 你點快得起呢?......照計要摩佬都換埋就啱, 因他只懂打防反, 不懂破密集......

  • Walter Chan
    Walter Chan 於 17/04/2017 評論 NO. 57

    有活力……打整体

  • Li Chun Ho
    Li Chun Ho 於 17/04/2017 評論 NO. 58

    曼迷等左成年呢幾日應該不停出J post

  • David Cheng
    David Cheng 於 18/04/2017 評論 NO. 59

    琴晚場波各司其職後防跟得貼,死球走甩既通病都冇埋,hehe專門招呼夏神,就算有波過左中場都盡快交比人跟住釘返夏神,爆炸冇再亂上前,係中場截波交比隊友反擊,連普巴都上小左腳同肯回防,仲有腳靚剷,又有長傳,前面兩個後生有空間四圍走位又可以用速度接應直線,以前451加呂布係冇可能有空間咁做

  • chango
    chango 於 18/04/2017 評論 NO. 60

    楊格雪到對鞋硬曬😂

  • Khalil Kwok
    Khalil Kwok 於 18/04/2017 評論 NO. 61

    真心覺得如果唔係對面開賽傷左個阿朗素,破壞成條後防線,我諗呢場無贏得咁易

  • 廖德華
    廖德華 於 18/04/2017 評論 NO. 62

    干地放水

  • Aria C.Y.
    Aria C.Y. 於 18/04/2017 評論 NO. 63

    又一篇J文...... 好悶呀曼迷世界........

  • Rico Yau
    Rico Yau 於 18/04/2017 評論 NO. 64

    牙較戰,㸃會放水,係紅魔的气势壓住。。。。

  • Ryan Li
    Ryan Li 於 18/04/2017 評論 NO. 65

    Gibbs 恨鐵不成鋼😢😢😢

  • Eric Lau
    Eric Lau 於 18/04/2017 評論 NO. 66

    高圖斯缺陣

  • Victor Lee
    Victor Lee 於 18/04/2017 評論 NO. 67

    文章呢個筆者,扮中立其實極有立場,例如竟然話DC呢個球場流氓屢被挑釁,唔知佢點樣睇波。

快捷鍵:←
快捷鍵:→