新一季的曼城最貴轉會記錄：馬列斯 精選

曼城新球季簽人速度甚慢，但金額卻是全英超最高，仲要一簽就係再破球會轉會費記錄：6000萬鎊，到底係邊個可以令曼城用6000萬簽佢？就係15/16英超冠軍球會李斯特城的翼鋒：馬列斯(Riyad Mahrez)

17/18球季馬列斯仍然為李斯特城於3線賽事合共交出13個入球加13個助攻，但據知賽季開始後的一段日子馬列斯一度缺陣，同時有報導顯示當時他人在加泰隆尼亞的巴塞隆拿，曾有報導指出李斯特城在上季已簽應馬列斯的轉會渴望，但同時他較早前已簽下李斯特城提供的續約合同，最終9月中馬列斯回歸李斯特城。
馬列斯在網上顯示出他有意為巴塞隆拿效力的慾望(但首先可能要過到美斯的友情測試:) )

而馬列斯今次的6000萬鎊轉會費的"估價"出自何方？就是李斯特城應馬列斯離隊而訂下的"最低要求"，而目前只有班霸級球會或絕對的土豪球會先會俾得起呢筆錢，上一段已講過馬列斯同巴塞隆拿可以講係"神女有心，襄王無夢"(只有傳聞，而事實上巴塞隆拿對馬列斯其實係0關注)，而為滿足馬列斯的"巴塞夢"，最快而又直接的就是選擇跟隨巴塞隆拿出身的哥迪奧拿，而哥迪奧拿目前執教的正是曼城。

不過，筆者就覺得馬列斯呢單轉會交易曼城係屬於蝕底的一方，就表現而言，馬列斯雖然贏過英超冠軍以及非洲足球先生，但相比2年前的迪布尼的轉會費仲要貴係明顯離L晒譜，加上上季曾私下離隊，論行為早已不值6000萬鎊(當然有人指責李斯特城反口唔放人)。試問當打翼鋒各大聯賽唔係冇，但6000萬鎊內可以買到的翼鋒絕對有不少實力上比馬列斯接近，如車路士皇牌夏薩特(Eden Hazard)的兄弟Thorgan Hazard，在上季亦有過11入球9助攻，加上曼城亦有不少比利時人(甘賓尼及迪布尼)，雖然不是比利時國家隊的必然正選，但相比其兄，性價比其實不比辛尼或史達寧差，至少唔會俾人"吊高黎賣"。羅馬的小法老Stephan El Shaarawy亦都值得留意，上季於羅馬合共貢獻9入球8助攻，而且與羅馬的合約又即將完結，加上未展開續約談判，如果能夠招攬到，亦不失為球隊好幫手。
車路士皇牌中場夏薩特之弟Thorgan Hazard小法老Stephan El Shaarawy