今晚雙城會，你又可否想起呢兩位仁兄，Mark Huges 和 Vincent Kompany ?? 前者係歷任曼城及史篤城領隊，後者係由前者由德甲：漢堡引入曼城嘅比利時小將，今日已成為曼城隊長。
Mark 嘅領隊生涯其中一站係曼城，2008年6月 至 2009年12月，當中引入過唔少當時得令嘅球星：羅賓奴，巴利，高路托尼，基雲，辛達告魯斯，艾迪巴約，比拿美 等等。亦有好兩隻潛力股：高柏尼，薩巴列達，雖然球星雲集，亦開啟咗曼城買人大花筒嘅先例，始終一個係帶慣中型班嘅領隊，要駕馭一班大哥確實唔容易，雖然整體實力增強唔少，始終球會支出同成績成反比，雖然大可以歸咎於磨合期間，難免令人大失所望，加上前朝遺臣及聯賽開季成績唔理想，埋下咗被球會革職伏筆。
離開曼城將近十年，雖然早排佢亦離開埋史篤城，但響掌帥史篤城年代，亦引入及借用過好幾位曼城球員：艾利蘭，基雲，古迪，邦尼，但各人際遇就真係見仁見智啦！
Vincent 嘅球員生涯有大半時間響曼城渡過，由加盟到而家都有10年，歷任好幾朝領隊：曉士，文仙尼，柏歷堅尼，哥迪奧拿，初來埗到嘅佢，其實係司職防守中場，而唔係中堅，當然作為一個襟撈嘅伙記，要爭取正選同被委以重任，難免要學識multi task ，防中年代嘅高柏尼其實唔算特別標青，亦非必然正選，不過佢踏入成熟期就足以證明自己身價，如果唔係傷患相信無人會質疑佢能力，今年8月唔知曼城會唔會幫佢攪返個party賀佢加盟十周年咁呢？
甘賓尼與曼城的合約至2019年夏季，目前曼城於後防上大增兵，與這位老將續約的可能性愈來愈低，數年以來的拍擋奧達文迪雖見成熟，但仍未能好好指揮後防線，加盟2季的史東斯尚在成長中，新援的拿樸迪仍待觀察，雖然曼城今季成績可以話見得下人，但後防的指揮交接權尚需一段時間才會有望出現接班人，哥迪奧拿有充足的時間去確立甘賓尼日後的接班人嗎？
Mark 嘅領隊生涯其中一站係曼城，2008年6月 至 2009年12月，當中引入過唔少當時得令嘅球星：羅賓奴，巴利，高路托尼，基雲，辛達告魯斯，艾迪巴約，比拿美 等等。亦有好兩隻潛力股：高柏尼，薩巴列達，雖然球星雲集，亦開啟咗曼城買人大花筒嘅先例，始終一個係帶慣中型班嘅領隊，要駕馭一班大哥確實唔容易，雖然整體實力增強唔少，始終球會支出同成績成反比，雖然大可以歸咎於磨合期間，難免令人大失所望，加上前朝遺臣及聯賽開季成績唔理想，埋下咗被球會革職伏筆。
離開曼城將近十年，雖然早排佢亦離開埋史篤城，但響掌帥史篤城年代，亦引入及借用過好幾位曼城球員：艾利蘭，基雲，古迪，邦尼，但各人際遇就真係見仁見智啦！
Vincent 嘅球員生涯有大半時間響曼城渡過，由加盟到而家都有10年，歷任好幾朝領隊：曉士，文仙尼，柏歷堅尼，哥迪奧拿，初來埗到嘅佢，其實係司職防守中場，而唔係中堅，當然作為一個襟撈嘅伙記，要爭取正選同被委以重任，難免要學識multi task ，防中年代嘅高柏尼其實唔算特別標青，亦非必然正選，不過佢踏入成熟期就足以證明自己身價，如果唔係傷患相信無人會質疑佢能力，今年8月唔知曼城會唔會幫佢攪返個party賀佢加盟十周年咁呢？
甘賓尼與曼城的合約至2019年夏季，目前曼城於後防上大增兵，與這位老將續約的可能性愈來愈低，數年以來的拍擋奧達文迪雖見成熟，但仍未能好好指揮後防線，加盟2季的史東斯尚在成長中，新援的拿樸迪仍待觀察，雖然曼城今季成績可以話見得下人，但後防的指揮交接權尚需一段時間才會有望出現接班人，哥迪奧拿有充足的時間去確立甘賓尼日後的接班人嗎？
請按此登錄後留言。未成為會員? 立即註冊