曼城不敗延續,雲加表示好難架

我城藍月曼漫談 於 05/11/2017 發表 收藏文章
上星期雲加揚言要終止曼城連勝,而哥帥亦坦言承認曼城無可能不敗,不敗係不切實際嘅幻想 .. 曾經係英超不敗雄獅嘅阿仙奴,就創造出對曼城14年不敗嘅紀錄.. (92年8月至06年8月) 曼城改寫歷史要到2006年8月26日主場賽事。
https://www.youtube.com/watch?v=u9sYmpP4DHs

門將:韋化,經過一段長時間養傷及擔任後備,呢一季佢終於趁住伊薩臣有傷重奪正選,2015年退役後擔住過錫周三教練,不時參與曼城名宿活動。


後衛:

迪斯甸,作為英超其中一位最出色中堅,當季佢同鄧尼同握中路,2016年不獲般尼茅夫續約至今繼續待業。


鄧尼,當年曼城隊長兼icon,仲早迪斯甸一季無班落,2016年9月宣布掛靴,而家定居法國,間中出席曼城名宿活動

李察士,青訓出身,曾經都係雲格飛佛,不過可惜早熟早殘,8月曾經一度被維拉放棄但又簽返,不過就被搣柴 … 無隊長兼無正選。

史提芬佐敦,呢位曼城青訓球員,而家都35歲,當年係曼城正選左閘,不過士途麻麻地,離城後一直響英甲,乙姐搵食,今季暫時無班落


祖爾巴頓,同樣係曼城青訓,亦入選過一次英格蘭大國腳,可能真係性格決定命運 .. 踢十幾年波都係攪事多過食飯,加上惹火言論間接影響佢足球生涯,剛啱就因為涉及賭波活動被停賽18個月。


達保,呢位法國前國腳,當年響曼城就過得唔太如意,繼同祖爾巴頓講手,亦因為膝傷缺陣一段長時間,2011年從美職聯掛靴。


冼佳亞,呢位前英格蘭國腳,掛靴都有10年,司職翼鋒,退役後就響杜拜開足球學校,間中出席曼城名宿活動。


前鋒:
迪哥夫,當日佢就倒戈母會:阿仙奴,但講感情深厚又點及得上佢同曼城?? 呢位九十年代曼城傳奇而家就不時代表曼城出席官方活動周遊列國。

華素爾,同樣係英格蘭國腳嘅佢,初來曼城都有唔少入球,不過之後就啞咗火,2012年因為膝傷而不獲球會續約,2016年初掛靴,今年初出咗本自傳。


科拉迪,前意大利國腳,佢個CV都幾威水架踢過國米,拉素,華倫西亞,不過來到曼城就唔係好交到貨,一季就返鄉下,今年40有1嘅佢早響2012年掛靴,而家做緊電視節目主持。

留言


請按此登錄後留言。未成為會員? 立即註冊
    快捷鍵:←
    快捷鍵:→