20年前的水晶宮對賽球員,如今身在何方?

我城藍月曼漫談 於 23/09/2017 發表 收藏文章
上星期我地就同大家講過10年前曼城正選球員近況, 上次曼城主場失分俾水晶宮已經係1997年1月嘅事, 當年兩隊比賽舞台係英甲, 曼城憑客隊一球老烏領先但開心唔到最後, 兩隊最後1比1, 各得1分 …

龍門: 馬格臣 (Margetson) 出身曼城青訓嘅佢, 九十年代一直擔任後備, 直至降班後, 先有機會擔正, 今日佢就調轉槍頭, 出任水晶宮一隊龍門教練兼任英格蘭國家隊龍門教練
右閘: 比維爾 (Brightwell) 出身曼城青訓嘅佢, 成名於九十年代, 亦係當年曼城正選右閘之一, 離開曼城後擔任過馬斯菲爾特城領隊, 亦做過講波佬, 2009年來過香港出戰國際7人足球賽

中堅:伊昆姆 (Ingram) 都係曼城青訓出身,不過機會就遠比比維爾少,現年42歲嘅佢其實早於2004年已掛靴,轉行做消防。

後衛:薛文斯 (Symons) 呢位當年威爾斯國腳論名氣其實唔差,佢亦響2001至05年間球員及署理領隊身份效力過水晶宮,後來擔任過富咸領隊。

中場:歷基森馬比 (Nicky Summerbee), 呢位曼城名將之子,球員生涯就無佢老豆米基森馬(Mike Summerbee) 比咁巴閉 … 1994至97年間效力曼城, 嬴冠無佢份啦反而係降班 … 2001年短暫回巢, 而家係講波佬一名

中場,艾迪麥高域 (Eddie McGoldrick) 呢位前愛爾蘭國腳,其實曾經踢過水晶宮,曼城算係佢職業生涯晚期,今日佢都調轉槍頭,而家係水晶宮青訓隊總教練

中場:洛馬斯 (Lomas) 呢位出生德國嘅北愛爾蘭國腳,曾經響韋斯咸打滾過,2010年退役後曾經短暫擔任過米禾爾領隊。

中場: 堅拉克錫 (Kinkladze) 相信有一定年資嘅球迷對呢位格魯吉亞國腳唔會陌生, 被譽為九十年代曼城icon之一, 於2007年掛靴, 而家響母會塞浦路斯Anorthosis FC出任體育總監, 早幾個月仲接受過曼城專訪.

前鋒: 謝利昆尼爾 (Gerry Creaney) 呢位蘇格蘭小國腳,效力曼城期間從不是必然正選, 較多時間外借他隊, 不過佢職業球員生涯亦響2000年, 30歲結束, 並轉行做核數師, 2014至年間曾經擔任蘇超: 登地聯青訓總監

前鋒: 軒尼 (Heaney) 呢位英格蘭小國腳, 出身阿仙奴青訓, 效力曼城期間同樣不是必然正選, 離開曼城亦只在一些次級聯賽球隊打滾, 30歲結束球員生涯, 並轉行做律師
標籤: 曼城  水晶宮  

留言


請按此登錄後留言。未成為會員? 立即註冊
    快捷鍵:←
    快捷鍵:→