賽事回顧:曼城對拿玻里 文字

曼城上次主場迎戰拿玻里係2012年11月嘅事,當日曼城僅僅逼和客隊,當年亦喺分組賽階段提早畢業,當日領隊仲係文仙尼,當年嘅上陣城員,基本上有一半人已經各散東西。


門將:祖赫特,大部分人以為英格蘭冧把溫會留城終老,不過結果就出人意表啦! 得唔到哥帥歡心嘅佢今季外借至韋斯咸,來季離隊機會都幾大


後衛:高拉洛夫,當日射入追平入球嘅佢,當年其實不時上前助攻同射罰球,上季喺哥帥手下嘗試改踢中堅,不過今季都已轉戰意甲羅馬,一年最少兩次對拿玻里咁


薩巴列達,為曼城上陣過333場嘅佢,當年其實深得球迷歡心,能攻擅守,仲爆頭嘅佢,上季就重拾射門鞋,六月完約後,今季同祖赫特做返隊友。


高柏尼,呢位成日受傷的隊長,當日嘅佢都係隊長,喺哥帥手下如果無傷仍有出場機會

尼史葛,前英格蘭國腳早於2014年6月離隊,去過西布朗,維拉,AEK雅典,上季簽過新特蘭,而家就無班落,間中出席曼城活動。


巴利,前英格蘭國腳同樣喺2014年6月離隊,效力過愛華頓,而家效力西布朗,剛剛就創咗英超上陣最高紀錄。


大衛施華,就快32歲嘅佢,仍然效力曼城,喺高柏尼養傷期間就出任代隊長,今季不時有助攻同入球,係城迷寵兒。

拿斯尼,相信好多人對佢離隊都依依不捨,一心諗住佢有機會留隊,呢位前法國國隊響哥帥手下只有零星嘅上陣次數,而家去咗土超搵食。


耶耶托尼,今季似乎就退居二線,只有零星上陣機會,始終年紀唔輕嘅佢,早年可算係曼城中場大腦,不過近年就明顯爭緊啲,明年6月完約嘅佢未知係咪仲著曼城42


阿古路,呢位可算係城迷柯貪飛佛嘅前鋒,喺哥帥手下其實都有唔少發揮機會,偶爾都會做下後備殺手咁,就快破入球紀錄嘅佢,相信仲有機會留隊

迪斯高,另一位城迷至愛,來自波斯尼亞嘅鋒將,早於2015年季初已被外借至羅馬,而家同拿玻里都交手過好多次,今季仲有老友高拉洛夫陪佢,幾開心呢你話
標籤: 歐聯  曼城  拿坡里  2011年  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→