經典勝仗回顧: 2002/11/9 曼城 3-1 曼聯 當日正選球員近況

我城藍月曼漫談 於 26/04/2017 發表 收藏文章
如果你問我點解揀呢場來講, 好簡單 .. 如果你愛隊十幾年都未嬴過一場打吡, 咁呢場勝仗相信別具意義, 乜曼城唔係2008年先成立架咩?? 講得出呢句: 得罪講句你真係好打極有限! 無錯... 曼城1989年10月至2002年11月未曾響打吡嬴過一場, 當日曼聯亦係以強陣出擊: 有: 雲尼斯杜來, 華朗, 傑斯 等等 仲係當屆冠軍, 但曼城呢???

https://youtu.be/FqRRJxZHW8A

舒米高: 呢位曼聯傳奇職業生涯終站其實係曼城, 2002年佢伙同寶貝囝一齊加盟, 踢左一季收山, 而家重返曼聯任球會大使, 周遊列國宣傳母會, 上星期亦有來香港.


孫繼海: 識得o既唔多講, 呢位就係曼城代表人物之一, 征戰沙場多年, 上年12月終於響中甲北京人和掛靴, 而家主力發展網媒生意, 亦係曼城中國地區大使, 早兩星期都有宣傳片


米度莫: 佢係曼城千禧年第一批非洲外援, 呢位喀麥隆國腳, 響曼城踢左3季因苦無上陣機會, 而轉投凱沙羅頓, 09年響希臘掛靴, 而家不時響非洲各國推廣足球


韋堅士: 貴為 1999年度曼城球會先生, 地位緊係有返咁上下, 早排曼城響twitter度開過一次猜猜我是誰遊戲, 居然無乜人識答 .. 早響2009年母會SC Veendam掛靴, 而家間中踢下衛生波.


鄧尼: 另一位大家都好熟悉o既前隊長及名宿, 於2015年正式掛靴, 而家定居法國, 間中客串講下波, 岩岩前幾日幫曼城拍片, 講自己心目中最佳陣容


贊臣: 呢位前丹麥國腳,亦係2009年響家鄉球會: 哥本哈根收山, 如果稍有年資會記得仍射入過一球世界波, 而家係一個球員經紀


泰諾: 呢位前澳洲國腳, 正式退役係2013年, 最後效力o既係家鄉o既半職業球會, Point Cook, 而家長居澳洲, 不時以前曼城/ 李斯特城球員身份受訪


貝高域:  睇開英超一定唔會唔識呢位前以色列國腳, 亦係曼城升班功臣之一, 2006年響家鄉球會: 特拉維夫馬卡比退役, 兩度出任領隊都同管理層不歡而散, 而家係以色列甲組球會Hapoel Rishon LeZion 班主


科爾: 相信大家仲記得2003年6月洲際國家盃對哥倫比亞一役, 因隱疾不幸離世, 曼城亦將佢當年著o既23號波衫封存至今.


葛達: 呢位亦係當代曼城Icon, 間中亦有參與元老隊活動,當日比賽梅開二度,不過後來傳出與領隊不和,季尾離隊,而家係英格蘭北部超聯球隊: 伊爾基斯頓領隊。


安歷卡: 稍有年資嘅球迷唔會唔識呢位球壇浪人,其實佢當日亦為曼城射入一球,喺佢效力個幾年幾乎季季包攬隊中最多入球,2015年踢罷印超:孟買城後未有繼續球員生涯。

留言


請按此登錄後留言。未成為會員? 立即註冊
    快捷鍵:←
    快捷鍵:→