細數兩軍舊將 麥馬拿文 (曼城VS利物浦) 文字

十幾年前o既曼城曾經引入過兩位響利物浦起朵嘅中前場球員: 科拿, 麥馬拿文, 前者是由當年落難的爭標份子:列斯聯轉投,後者同早前轉投嘅丹尼路一樣來自皇家馬德里,所以今日就同大家講下麥馬拿文。




出身自利物浦青訓,由青年隊升格至一隊正選成名,不足二十歲,九十年代初已被一眾講波佬喻為後衛剋星,司職右翼外,仲勝任中場其他位置,左翼,進攻中場,是九十年代利物浦的主力成員之一,其中1995年嘅聯賽盃決賽更被喻為"麥馬拿文盃",因為包辦兩個入球致勝嘅都係佢,基本上當時的戰術運用及部署都係圍繞呢位天才橫溢嘅英格蘭新星而運行,當年亦有不少教練講 “只要截停佢等於截停利記軌跡”。


然而九十年代後期,麥馬拿文成為轉會傳聞主角,不時同巴塞隆拿及皇家馬德里扯上關係,佢亦多次表示自己希望出國 “見識下” 結果1999年佢選擇離開英倫球壇,加盟皇馬。



響西甲坐咗一段時間冷板凳嘅佢,受當年領隊奇雲基瑾邀請加入曼城,可惜回歸英超後嘅老麥,真係老咗 …. 並冇重現昔日光輝,無咗以往速度,以及創造入球能力,加上接連受傷,隨住陣中小將胡禮菲臘斯嘅堀起,表現難免比下去,更被一眾城迷冠以 “麥馬拿銀” 嘅惡名,所謂一朝天子一朝臣,自奇雲基瑾離職後,佢再無機會上陣,季尾更被繼任嘅皮雅斯拒絕續約,結束十幾年球員生涯。



退役後的麥馬拿文,可謂百足咁多爪,涉獵嘅唔止有講波及傳媒工作,曾經一度涉足管理層入主伯明瀚(香港)公司出任管理層,曾一度傳出轉投港甲球會:流浪,佢亦有份投資賽馬競技運動,近年不時周遊列國代表利物浦及退役球員組織參與不少慈善活動,對待球迷方面,麥馬拿文對簽名,集郵多數有求必應。
標籤: 麥馬拿文  曼城  利物浦  

留言

會員
我要評論
請按此登錄後留言。未成為會員? 立即註冊
  • 閒雲野鶴
    閒雲野鶴 於 07/09/2017 評論 NO. 1

    佢喺皇馬嘅時候真係奇葩中嘅奇葩,從來都唔駛落場嘅😏

  • edmundwong
    edmundwong 於 07/09/2017 評論 NO. 2

    佢歐聯有波入架,加上當時皇馬個陣咁勁,坐冷板真係正常,英國人腳法佢真係算係咁!

  • 亞男
    亞男 於 07/09/2017 評論 NO. 3

    係皇馬打正選風光嗰啲全部冇寫😱😱

  • 閒雲野鶴
    閒雲野鶴 於 07/09/2017 評論 NO. 4

    我之所以話佢係奇葩,係因為: 由費高加盟皇馬開始,佢已經完全冇機會落場,之後施丹同碧咸前前後過埋嚟佢都仲係喺度咬緊份糧!當外界問佢點解唔一早返英超踢波,佢竟然可以老老實實咁承認 "自己早就冇動力踢波,而且英超係冇一隊畀得倒皇馬合約嘅人工,留低係最好",問你死未😒

  • Ho Man Ng
    Ho Man Ng 於 09/09/2017 評論 NO. 5

    高路托尼、科拿、巴神、安歷卡

快捷鍵:←
快捷鍵:→