打吡點將錄:東尼哥頓

我城藍月曼漫談 於 08/12/2017 發表 收藏文章
九十年代初,曼城仍未折墜降至英甲英乙時,鎮守最後一道防線有呢位英格蘭門神:東尼哥頓(tony coton),當然論名氣及實力跟鎮守曼聯嘅舒米高相比就差距甚遠,Tony就由曼城轉投曼聯,輾轉擔任後備,後來成為曼聯門將教練,而大家都知舒米高職業生涯最後一站係曼城。

TONY 可算係曼城九十年代其中一個重點收購,於1990年中以一百萬鎊從屈福特收購,唔好睇少呢個銀碼,其實已相等於今日二千二百萬鎊,不過哥頓都不負眾望,響隊中打響名堂,分別成為91/92 及 93/94年度嘅球會最佳球員,亦係暫時曼城最近一個以門將身份獲得年度最佳球員獎嘅球員,而該幾季曼城表現亦算理想,年終排名,仍是第5,第6,佢嘅敏捷,經驗成功俘虜唔少那些年嘅城迷,不過佢一直無機會獲大國腳召喚,只有一場B隊賽事。

所謂好景不常,94/95球季亦係佢職業生涯轉捩點,當季佢因於比賽時受嚴重傷患,再加上官方人員未有正確處理,有關傷患令哥頓缺陣十多個月,最終回歸賽場時頓覺一切都完,加上與管理層交惡,故在96年1月離開曼城 加盟曼聯,令人不勝唏噓。

畢竟,紅魔鬼正選門將是舒米高,哥頓不過是後備,亦未有正式上陣紀錄,反而後來掛靴後,加入教練團,接近十年時間,他是首席門神教練,教過舒米高,巴夫斯,侯活,雲達沙等等一線龍門,直至2007年因膝關節問題,無法繼續落場教波,而退任後勤,曾經做過球員經紀,亦做過球探,同時亦響阿士東維拉出任門將招募主管。
標籤: 東尼哥頓  屈福特  曼城  曼聯  
【世界盃 ng sick ball 街訪 — 第三集】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→