艾加神速康復 預計最快可以週末就復出啦!

利物浦專區 於 27/09/2012 發表 收藏文章
引用艾加既傷勢唔單只無預計之中咁嚴重,而且佢既恢復速度仲十分驚人,呢位丹麥中堅最快甚至可以係週末利物浦作客對諾域治既英超比賽復出。
艾加係係上週日利物浦1-2曼聯既比賽入面膝頭受傷,由於傷勢睇落去非常嚴重,艾加被擔架直接抬出場外,賽後紅軍主帥羅渣士承認,佢擔心艾加既賽季可能會提前報銷。不過係經過利物浦隊醫既詳細檢查之後,紅軍發現艾加既韌帶無撕裂到,只係骨頭有啲瘀傷,意味住丹麥中堅好快就可以復出。
為左確定艾加恢復訓練既日期,利物浦隊醫將會為呢位丹麥中堅安排進一步既檢查,不過就目前既情況黎睇,艾加最快可以係本週末對諾域治既比賽復出。
係輸比曼聯既比賽入面,利物浦仲有Kelly受左傷,呢位英格蘭小將既運氣就無艾加咁好彩,由於膝頭前十字韌帶撕裂,Kelly將需要接受手術,令到呢位22歲小將提前告別2012年,甚至有部分媒體預測,Kelly既賽季已經提前報銷。唯有希望呢位咁出色既球員快啲好返啦!
標籤: 利物浦  

留言


請按此登錄後留言。未成為會員? 立即註冊
    快捷鍵:←
    快捷鍵:→