【意甲】 唔好走漏眼!五哥阿特蘭大 文字

kawa於 30/04/2017 發表 收藏文章
睇番近年意甲,米蘭雙雄唔多爭氣,羅馬同拿玻里往往又只能勉強一戰,令祖雲爭標路難逢敵手。無龍爭虎鬥,又無童話上演,劇本年年如一,意甲確實無以前咁吸引。不過今年,排係祖雲、羅馬、拿玻里同拉素之後有一隊阿特蘭大。未至於話有咩衝冠、征戰歐聯嘅機會,但都夠叫人眼前一亮!


阿特蘭大成立於1907年,1963年捧過意大利盃已經算係球會最佳成續。多年黎球會係甲乙兩組浮沈,自11-12球季升班後,睇番呢幾季嘅成續,其實都只屬中游分子。

  • 2011-12:13勝46分;球差 -2; 排12(被扣6分)
  • 2012-13:11勝40分;球差 -17; 排15(被扣2分)
  • 2013-14:15勝50分;球差 -8; 排11
  • 2014-15:7勝37分;球差 -19; 排17
  • 2015-16:11勝45分;球差 -6; 排13

過去五季,阿特蘭大最威水嗰次都只係排第11(唔計扣分前嘅成續),要look落積分榜第二頁先搵到佢,1415球季排名仲頻臨降班邊緣。但今季截至目前踢左34輪,阿特蘭大已經累積左破記錄嘅19勝,同第4嘅拉素同得64分,但就踢多一場。睇埋今季+19嘅球差就足見球隊攻守方面嘅進步。

球隊有進步,又點可以唔提一班球員?當中 #10 Alejandro (Papu) Gomez 今季聯賽已交出 14G11A (G-入球;A-助攻)嘅「雙雙」成績,相比上季嘅 7G9A ,係球隊嘅第三季有相當可觀嘅進步。


另外,一對中場 #19 Franck Kessie 同 #27 Jasmin Kurtic 亦分別交出6G4A 同 6G3A 嘅成續,分擔了前場球員嘅得分負擔,亦成功彌補前鋒入球量少嘅不足。Kessie年僅20歲,在聯賽表現已如此出色,難怪一直有報道指他已被受多間豪門關注,加以栽培,好好學法,不沈迷聲色名利,潛質相信無可限量。

#19 Franck Kessie

#24 Andrea Conti 和由祖雲外借來投嘅 #13 Mattia Caldara 亦成功做到攻守兼備。兩位後防球員同取得7G,前者更交出4A,功不可沒。最後,由拉素外借來投的龍門 #1 Etrit Berisha 亦應記一功,今季聯賽24次把關,錄得破個人紀錄嘅11次保持不失,成功保住後方。

#24 Andrea Conti

考慮到意盃決賽兩隊祖雲與拉素皆位居前列,如無意外,意甲第六名亦可征戰歐霸。餘下賽程,除左對AC嘅六分波之外,基爾禾、烏甸尼斯同安玻里都只屬中下游對手,保持今季一直水準,保住目前多打一場下分別領先米蘭雙雄6分和8分的優勢,阿特蘭大征戰歐霸理應不成問題。

無論如何也好,球隊必先提高穩定性。早前曾被國米大炒7-1,上輪又能夠2-2迫和祖雲。不論強弱,球隊有否穩定發揮對球隊長遠發展相當關鍵。

圖片來源:
Logos-Download.com
Squawka
Fansided
Pianeta Milan
Getty Images
標籤: 意甲  阿特蘭大  

留言

會員
我要評論
請按此登錄後留言。未成為會員? 立即註冊
快捷鍵:→