深宵睇左場好快既波, 歐聯16強首回合皇馬主場對PSG, 呢場波開波就已經好快, 2隊都開放式對攻。踢到33分鐘終於有波入, 不過唔留意都唔覺已經過左33分鐘, 入波既係PSG既列比奧, 拎到個作客入球, 而且尼馬、麥巴比同卡雲尼既攻勢其實入肉過皇馬添, 唔輸皇馬又輸一場?
完半場前卻奧斯搏到個12碼, C朗今季雖然大跌WATT, 不過最近西甲入3粒, 而且今季歐聯其實仍然係一部入球機器, 結果半場1:1。下半場又係另一個世界, 或者呢個就係西甲同法甲水準既分別, 下半場明顯PSG開始跟唔上皇馬既節奏, 而且尼馬亦都無左影, 當然皇馬入既第二球有D運仔, PSG門將艾奧拿撲出傳中球撞正C朗大脾撞入, 2:1一出現, PSG班球員就散散地, 皇馬點會浪費呢個拉開比數既機會, 結果馬些路將呢場波埋單入多粒。話說如此, 但歐聯就係2回合計, 所以如果PSG拎多粒作客入球, 返到主場時世界又會變, 所以PSG繼續攻, 不過..........只靠前面幾個攻, 後面都唔敢上喇, 因為皇馬換入巴爾, 一打反擊可以更快添, 就係咁3:1完。
場波超快, 呢場波雖然係16強, 但好值得睇! C朗對尼馬, 仲有次回合分勝負!
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊