2017/18英格蘭超級足球聯賽第十三周 - 利物浦 V 車路士
開賽日期及時間: 11月25日(11月26日凌晨) - 1:30
利物浦方面: 歐聯於上半場先贏3球, 下半場卻失回3球, 結果又一場剌激既比賽, 不過只得1分而回, 雖然作客西維爾唔易踢, 而且法明奴都拎番D狀態, 不過後防既不穩仍然係利記要贏錦標最大阻力。沙拉, 文尼同古天樂已經成為左利記進攻重要人物, 但前面入幾多, 後防都要頂得住先得架, 高普真係要對症下藥攪攪佢。
車路士方面: 歐聯成功出線, 餘下只係首名定次名之爭, 最少可以顧少一條線先, 夏世三同摩拉達既組合越夾越好, 漸漸可以消除沙皮離隊既影響。中場方面, 簡迪既復出非常重要, 由贏曼聯場波已可見一斑, 後防方面, 車路士其實唔算十分穩陣, 偶然都有D蝦碌野, 差在對手前鋒把唔把握到架乍, 幸好仲有古圖斯守住大門。
K波預估戰況: 2隊要繼續向前列既曼城進發, 今季聯賽將會咬得好緊, 每一分都非常重要, 而沙拉倒戈將會表現身價, 而且車仔後防都怕怕地D高速球員, 不過夏世三同摩拉達要入到利記波又唔難, 似乎會係一場又快, 又多攻門既比賽, 加上利記主場踢高一線, 呢場波可能整番場大手交易既和波啦!
K波預估賽果: 利物浦 V 車路士 - 3:3
回顧上一次利物浦主場對車路士既片段啦:
https://www.youtube.com/watch?v=3OpAACpzl3k
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊