2017/18英格蘭超級足球聯賽第十二周 - 阿仙奴 V 熱刺
開賽日期及時間: 11月18日 - 20:30
阿仙奴方面: 山齊士同奧燒慢慢都回歸大軍中而且表現都開始上力, 二人對阿仙奴其實相當重要, 而新授拿卡錫迪向國際賽入2球, 表現極佳, 不過銀河唯一或者因傷缺陣, 但中場韋王子今季回歸後, 成個人唔同晒, 相信對阿仙奴中前場有一定作用, 後防方面, 施治, 哥斯尼等等繼續可以領軍下, 相對穩陣, 但蒙維爾係咪仲要於三中堅陣式中負責其中一席會成關鍵,始終佢都唔係中堅材料黎。
熱刺方面: 阿里周簡尼無參與國際賽, 而丹麥中場艾歷臣就表現神勇, 於世界盃歐洲區附加賽大演帽子戲法帶球隊入決賽周, 中後場方面, 亦沒有增添傷兵, 將以最佳陣容迎戰呢場倫敦打比戰。
K波預估戰況: 貴為倫敦打比戰, 緊係肉緊多兩錢啦, 而且阿仙奴特別對打比戰時會踢得醒神D, 或者都係因為鬥心問題, 因為阿仙奴現時經常俾一眾前列隊睇低, 咁樣反而鬥心倍增, 踢出爭氣波, 上次因為球証誤判先會敗給曼城, 今場回到主場對死敵熱刺, 相信有番惡鬥, 而熱刺就緊加想贏到阿仙奴繼續上季壓住對手既氣焰啦, 加上阿里同簡尼都無於國際賽上陣, 儲足力打呢場波, 不過最後可能係一場入波多既和波。
K波預估賽果: 阿仙奴 V 熱刺 - 2:2
回顧上一次阿仙奴主場迎擊熱刺片段:
https://www.youtube.com/watch?v=5kkplyDC1N8
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊