2017/18英格蘭超級足球聯賽第六周 - 李斯特城 V 利物浦
開賽日期及時間: 9月23日(9月24日凌晨) - 00:30
李斯特城方面: 華迪與馬列斯無走到, 2人今季(最少呢幾個月)都要繼續幫李斯打天下, 華迪更加要為左下年世界盃爭入英格蘭大軍名單入面, 不過今場波或者因傷缺陣, 但李斯特城仲有岡崎壽司, 斯里文尼同埋曼城借將伊軒拿祖, 攻力上已經足夠, 防守方面, 只要舒米高發揮正常, 其實要射入佢都唔易, 最緊要就係一班後防例如韋斯摩根平平穩穩就得喇!
利物浦方面: 張伯倫唔知係咪真係黑氣纏身, 黎到利記後一場都贏唔到, 但其實利記踢得好差咩? 又唔算係! 不過咁, 反而王牌古天樂踢唔出水準加上文尼停賽就真係問題喇, 文尼仲要停埋今場, 都幾煩, 好彩沙拉, 法明奴同史獨都休息夠喇! 後防方面, 其實一向都唔穩架喇, 不過之前可以靠攻力頂住, 後防壓力咪無咁大囉, 但前面入唔到波, 後防壓力就大左...........睇下OX破唔破到咒喇!
K波預估戰況: 利記剛先向周中聯賽盃被李城淘汰, 返到聯賽, 為左拎分又好, 報仇都好, 都會踢得盡力D, 加上法明奴, 古天樂同沙拉等等可以回到正選陣容中, 應該可以睇好DD, 而李城既然周中都贏到利記, 聯賽再殺多場都唔出奇, 只要李城呢場唔好心雄諗住周中食左一次, 心急食多鑊就得喇! 到最後可以黎個和波!
K波預估賽果: 李斯特城 V 利物浦 - 3:3
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊