2017/18英格蘭超級足球聯賽第四周 - 車路士 V 阿仙奴
開賽日期: 9月17日晚上 - 20:30
車路士方面: 歐冠主場大勝, 而且於周二凌晨已經踢完, 休息時間較多, 加上人腳充裕, 新兵薩柏哥斯達及巴卡約高都入埋波既情況下, 狀態已經回順, 而且最重要緊係夏神回歸啦, 還記得上季夏神, 柏度同哥斯達既組合攻力超強, 今季改由摩拉達, 睇下可以同夏神, 柏度, 韋利安有咩火花喇!
阿仙奴方面: 因為歐霸既關係, 比車仔少左二日既休息時間, 雲加出人果度要認真諗諗, 好彩既係, 山神已回歸而且入靚波, 似乎呢幾個月班阿迷都可以安心喇! 重用高拿斯力錫及韋舒亞回歸絕對令阿仙奴中場硬朗程度增加, 對於後防既壓力都可以減輕好多, 而施治應該都會向星期日重點正選, 阿迷都可以放心啦!
K波預估戰況: 轉會窗的鬧劇完結後, 山齊士留低左, 車仔買唔到巴克利, 相信2隊都已經安穩落黎, 走唔到, 買唔到既都等1月先再算! 車仔一向都食住阿仙奴, 特別由杜奧巴年代開始, 不過近幾次對陣, 雙方都各有勝負, 而車仔方面其實已經重回正軌, 加上夏神復出, 阿仙奴真係有D危, 不過阿仙奴現時最重要就係慢慢踢番好隊波既士氣, 所以應該會做好防守開始, 只要雲加唔好再亂咁出人.............
K波預估賽果: 車路士 V 阿仙奴 - 1:1
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊