費蘭尼, 人稱爆炸頭, 比利時職業足球員, 自2013年跟隨莫耶斯來到曼聯, 可惜莫耶斯上任不足一季, 因成績欠佳已被解僱, 從此爆炸頭說明書便藏於枱腳底!
期間, 費蘭尼因魯莽犯規領紅或犯錯令球隊失波, 結果被球迷一直嫌棄, 被認為係清洗既對象, 前任領隊雲高爾於在位2年間亦未能搵得番呢本爆炸頭說明書, 結果費蘭尼成為有如過街老鼠一樣!
雲高爾離任後, 上季由摩連奴上任執教曼聯, 外界多認為願意使錢既摩連奴會把費蘭尼清洗而轉入其他更好的球員, 但摩連奴一直無提及對於費蘭尼既評價, 而且多次傳出費蘭尼將離隊他投既消息, 最後費蘭尼無走!雖然唔屬於常規正選球員, 但摩連奴卻經常後備派遣費蘭尼出場, 不過季初就曾經因為費蘭尼禁區入面犯規令曼聯失掉12碼, 而且費蘭尼仍有戒唔甩既脾氣, 結果上季與曼城一戰中, 就被阿古路用1分鐘送佢出場, 再次成為紅魔球迷既眼中釘!
摩連奴仍然無作出回應, 季尾更經常用費蘭尼出場, 結果費蘭尼越踢越好, 摩連奴就好似搵得番爆炸頭說明書一樣, 更曾經出現於中場控球後賣弄腳法既動作, 其中一場賽事, 費蘭尼入波後, 就係跑番去同摩連奴黎個抱抱以至謝意!
https://www.youtube.com/watch?v=r1q_Z3btuvo
黎到今季2017/18, 季前由於馬迪加盟, 再次傳出費蘭尼已經同土超球隊加拉塔沙雷確認轉會, 最後摩連奴終於開腔表示: 費蘭尼係重要一員!
星期六曼聯作客史篤城既英超賽事, 費蘭尼因傷缺陣, 摩連奴竟於賽後表明呢場波原先就係為費蘭尼而設, 無左費蘭尼, 佢感覺自己好空虛一樣!
昨晚曼聯事隔2年重回歐聯戰場, 19分鐘普巴便因傷離場, 換入費蘭尼, 結果費蘭尼上半場36分鐘接應楊格傳中一頂入網, 賽後仲成為該場最佳球員, 費蘭尼再一次用表現話俾大家聽: 摩連奴, 我用表現回報你!
https://www.youtube.com/watch?v=PrEHB0C0rSU
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊