2017/18英格蘭超級足球聯賽第三周 - 利物浦 V 阿仙奴
開賽日期: 8月27日晚上 - 23:00
利物浦方面: 古天樂走唔走真係幾影響利記, 不過利記仲有另一球員都係好重要, 佢就係文尼, 上星期就係靠佢既入球幫利物浦拎到3分, 否則可能又要失分俾中下游球隊喇! 其餘攻擊球員都已經出盡力但未算好好表現, 新兵沙拉仲要D時間再適應英超, 不過隊長軒同米拿向中後場, 成條防線都定D, 加上馬迪普今季好似進步左唔少, 配合埋開始穩定少少既米勞列, 算係唔錯既表現喇!
阿仙奴方面: 久攻史篤城不果, 拿卡錫迪被吹左個入波, 令阿仙奴輸波而回, 不過其實阿仙奴後防其實唔算大問題, 只係謝斯射果球射得靚先收死施治! 反而雲加尾段亂黎就令人火滾D喇, 唔知點解梅斯達菲去左邊路出波, 又換走左拿卡錫迪, 就算有銀河唯一幫手開左路都無前鋒殺手去入波...........奧燒無左山神後都係咁上下架喇, 希望山神( 唔轉會既話 )快D復出打救佢地啦!
K波預估戰況: 2隊開季成績都未如理想, 一隊1勝1和, 一隊1勝1負, 而且所失既分仲係分俾D中下游球隊, 不過論表現其實阿仙奴好D, 而且阿仙奴既特性就係你睇死佢時, 佢又死唔斷氣, 而利記既特性係你睇好佢時, 佢失分俾你睇, 呢場波如果阿仙奴作客贏到利物浦, 相信都係大家估佢唔到既結果, 就咁揀啦! 其實.......我預左山齊士出到場架.............
K波預估賽果: 利物浦 V 阿仙奴 - 2:3
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊