[絕配的一對 - 昆尼與菲臘斯]

K波說故事 於 14/07/2017 發表 收藏文章


提起愛爾蘭足球員昆尼, 大家會諗到長人, 因為其1.93米的身高, 而其足球生涯曾於1983-1990年間效力阿仙奴及為球隊贏得聯賽盃, 因出場時間漸少而轉會1990年3月加盟曼城, 效力6年雖然沒有贏得獎項, 不過入球率卻不少, 出賽204場攻入90球之多! 轉會新特蘭後.......佢找到了另一半!


奇雲菲臘斯, 一名多產射手, 現年43歲既佢, 曾經效力多間球會, 不過講到效力最長而且最為人熟悉既一段時間, 就係新特蘭..............


昆尼與菲臘斯, 佢地於新特蘭擦出了完美的火花! 當時球壇盛行4-4-2陣式, 正好讓此2名球員作為前鋒去攻堅! 昆尼的特點是身高, 制空力超班, 菲臘斯的特點是靈活, 把握力強, 結果球隊的進攻也因應佢二人而變得多樣化! 當球隊受制對手時, 後防只需要一個高波踢向前, 昆尼只需要做到一件事, 將皮球跣到菲臘斯的身旁, 後者便去接應再突破攻門!


結果二人於英甲的2個球季, 合共攻入45球 ( 31 - 菲, 14 - 昆 )及41球 ( 23 - 菲, 18 - 昆 ), 帶領新特蘭於1999/2000球季由英甲升上英超, 或者大家會認為英甲水準不及英超, 菲臘斯有昆尼護航下, 能成為多產射手不足為奇, 不過新特蘭升上英超的1999/2000, 該季2人再合共造出44球 ( 30 - 菲, 13 - 昆 ), 同時菲臘斯亦成為該季英超神射手得主! 其後2季亦分別取得14及11球, 絕非意外的組合, 亦令新特蘭自升上英超後連續2屆獲得第七名完成賽季的最佳球會成績!


可惜由於昆尼年紀唔輕 ( 2001年已達35歲 ), 亦令此組合的威力慢慢減退! 或者昆尼與菲臘斯這2人的名聲只是足球界的過客, 但這對一高一矮的攻擊組合, 絕對能夠成為一個經典!

https://www.youtube.com/watch?v=9xve3b6sM-g&t=1226s

K波

鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY


留言


請按此登錄後留言。未成為會員? 立即註冊
    快捷鍵:←
    快捷鍵:→