英超第三十二周, 曼聯主場完勝車路士2:0, 車路士零射門, 仲要被熱刺狂追到得番4分之差!
https://www.youtube.com/watch?v=3r33SZveKo8
黎到第三十三周, 揀選左利物浦水晶宮既賽事同大家講下:
利物浦 VS 水晶宮
開賽時間 ( 香港時間 ) - 4月23日晚上 - 23:30
2隊簡介:
利物浦: 英超爭前四已經進入白熱化階段, 高普都已經唔可以再有任何失分空間喇! 其實佢地餘下賽程算係頭六支球隊內最易踢既一隊, 偏偏利記對住中下游球隊更好把握! 球隊射手費明奴雖然靈活, 但始終唔係多產射手, 而攻擊重心古天樂下半季始終唔夠態, 最慘文尼受傷長休下, 利記最強果樣速度都打晒折! 後防反而係近期比較好既一環, 米勞列知恥近乎勇下, 最近表現非常穩定, 希望幫到利記啦!
水晶宮: 大SAM既領軍下, 球隊越踢越有, 之前主場大勝阿仙奴3:0, 上周同近期大勇既李斯特城踢成2:2, 今場波係時候又於強隊身上拎分喇! 賓迪基同沙夏呢對組合攻擊力強, 而且單打獨鬥能力極高, 即使利記切斷水晶宮既組織, 只要皮球去到前場, 佢2個就有能力去為利記後防帶來威脅! 門將既軒尼斯今季表現穩定, 令一眾後防球員踢得安心!
K波預估戰況: 利物浦主場對水晶宮, 看似食硬喇掛, 唔好忘記利物浦呢隊波既神怪野, 而且水晶宮由大SAM領導下, 一周之前便大勝阿仙奴3:0, 而且球隊有倒戈前鋒賓迪基, 另外沙夏既狀態又大勇, 不過利物浦既法明奴同古天樂同樣交到貨, 或者呢場波又會出現一場大比數和波收場!
K波預估賽果: 利物浦 VS 水晶宮 - 2:2
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊