[英格蘭超級足球聯賽2016/17 - 水晶宮 VS 阿仙奴]

K波說故事 於 09/04/2017 發表 收藏文章


英超第三十一周, 榜首大戰下, 夏神發威將曼城擊敗, 相信曼城都要放棄今季英超冠軍既爭競戰喇!


https://youtu.be/bFz-GAr1eHs
黎到第三十二周, 揀選左阿仙奴作客水晶宮既賽事同大家講下:


水晶宮 VS 阿仙奴:


開賽時間 ( 香港時間 ) - 4月10日 (4月11日凌晨) - 3:00

2隊簡介:


水晶宮: 自從大SAM接手後, 其實水晶宮個成績唔見有好明顯既改善, 但就無之前咁不穩, 只係有D飄忽, 而上周作客榜首既車仔都可以贏2:1, 呢場都係佢地最近既4連勝, 可惜周中既快車終於將連勝斷纜, 作客3:1輸俾聖人修咸頓, 今場回到主場面對阿仙奴, 最主要既攻力來源就係賓迪基同韋費特沙夏, 另外唐辛向邊路都係好重要既角色! 後防方面, 軒尼斯今季表現不俗, 但佢地傷兵眾多, 最大影響應該係中場卡巴耶, 或者倒戈既法明尼有機會上陣對陣前東家!





阿仙奴: 現時已經無失分空間既阿仙奴, 周中主場大勝韋斯咸3:0, 相信士氣振奮不少, 不過現時阿仙奴最缺既其實係決心, 山齊士有決心就好明顯, 希望奧燒可以借贏鎚仔呢場既一入球一助攻, 重燃佢於阿仙奴爭勝既鬥心! 另外, 銀河唯一現時成為左阿仙奴既後備前鋒, 有必要時先放佢出黎炸對手, 其實佢每次出場都交到貨, 點解要有問題先去拆呢? 希望雲加諗諗基奧特啦, 周中後備入替又入1粒! 不過門將都係一個問題, 施治同奧斯賓拿都傷左, 希望後者趕得切, 否則又要繼續用阿根廷年青門將馬天尼斯喇叭





K波預估戰況: 阿仙奴為左下季歐冠入場卷已經無晒失分空間, 唯有就係搏到盡, 相反水晶宮距離降班區仍然有一點點些微空間下, 以艾拿戴斯帶親既波都有D"鬼鬼地"既味道, 今場阿仙奴作客反而可以贏波而回, 但我K波覺得首先..........雲加要出銀河唯一打正選就"基到功成"喇!



K波預估賽果: 水晶宮 VS 阿仙奴 - 1:2


K波

鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY

留言


請按此登錄後留言。未成為會員? 立即註冊
    快捷鍵:←
    快捷鍵:→