[2017/18英格蘭超級足球聯賽第四周 - 曼城 V 利物浦 ]

K波說故事 於 08/09/2017 發表 收藏文章


2017/18英格蘭超級足球聯賽第四周 - 曼城 V 利物浦


開賽日期: 9月9日晚上 - 19:30


曼城方面: 今季哥迪奧拿與曼城本身都較為低調, 最可惜相信都係臨門一腳簽唔到山神, 但目前仍然3戰2勝1和, 其中和波果場係被朗尼幫愛華頓拎到分, 其餘2場, 其實贏得都幾驚險, 似乎成隊波加左唔少人包括B.施華, 獲加, 丹尼路及文迪後, 仍然要一段時間去適應! 今場有史達寧領紅停賽, 但曼城強就強在板凳深度極高, 我覺得辛尼其實仲勁D囉, 所以對整體攻擊力影響不大, 唔好忘記仲有耶穌!






利物浦方面: 古天樂雖然對利記好重要, 不過利記仲有另一球員都係好重要, 佢就係文尼, 上星期就係靠佢既入球幫利物浦拎到3分, 否則可能又要失分俾中下游球隊喇! 其餘攻擊球員都已經出盡力但未算好好表現, 新兵沙拉仲要D時間再適應英超, 不過隊長軒同米拿向中後場, 成條防線都定D, 加上馬迪普今季好似進步左唔少, 配合埋開始穩定少少既米勞列, 算係唔錯既表現喇, 留意番, 高普講左古天樂呢場都會因傷缺陣架喇, 未知逃兵張伯倫會否登場!




K波預估戰況: 利物浦雖然於主場殺敗阿仙奴4:0, 3戰得7分, 但曼城其實同樣都係3戰得7分既成績, 只係到目前為止, 曼城仲未表現到如此強大陣容應有既水準, 不過曼城班底就是強, 只係防守唔算特別穩陣! 同時間, 利物浦都有同一個問題, 即使前面既費明奴, 文尼, 沙拉幾攻得, 後防都係危危乎, 久唔久就整D驚險場面出黎! 呢場波, 黎個3:3就2隊失分, 球迷睇得開心喇!




K波預估賽果: 曼城 V 利物浦 - 3:3


K波

鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY

留言


請按此登錄後留言。未成為會員? 立即註冊
    快捷鍵:←
    快捷鍵:→