2017/18英格蘭超級足球聯賽第十七周 - 韋斯咸 V 阿仙奴
開賽日期及時間: 12月13日(12月14日凌晨) - 4:00
韋斯咸方面: 足球天才莫耶斯帶隊後, 將球隊好似當年愛華頓咁教, 曾經差D作客曼城能迫和, 可惜賽事尾段被絕殺2:1, 上仗主場對車路士, 終於交到貨, 憑阿倫杜域一箭定江山拆車成功, 球隊目前信心十足, 再向主場對住阿仙奴應該會用回上仗拆車陣容同踢法。
阿仙奴方面: 周日作客修咸頓僅僅迫和主隊1:1, 又失2分下, 今仗又要再為爭前四而努力, 今仗雲加或者讓後備殺手銀河唯一擔正, 好讓拿卡鍚迪休息下先, 而山齊士同奧燒都隨時侯命, 不過今仗未必會用奧燒, 因為奧燒面對爛打踢法可能會被無咩表現, 但後防面對阿倫杜域可能會加多2錢肉緊喇。
K波預估戰況: 莫天才今次主場一定想乘住上場拆車既氣勢去贏埋今場賽事, 但阿仙奴當然唔會咁易就範, 如果用銀河唯一既話反而會有一定優勢, 中場方面盧保同沙加可能會黎一場硬碰硬既決戰, 不過阿仙奴始終質高加上上季雙殺對手, 作客更大炒鎚仔5:1, 今季有望再食多鎚仔一野。
K波預估賽果: 韋斯咸 V 阿仙奴 - 2:3
回顧上一季阿仙奴作客韋斯咸既片段啦:
https://www.youtube.com/watch?v=HTJ_8UTPrwI
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊