2017/18英格蘭超級足球聯賽第一周 - 阿仙奴 V 李斯特城
開賽日期: 8月11日 ( 8月12日凌晨 ) - 2:45
阿仙奴方面: 擊敗車仔贏左社區盾, 為球隊打下強心針, 不過隊長梅迪薩卡勇戰受傷, 今場波未必可以出戰, 哥斯尼又仲停賽緊, 唯有寄望施治再做救星, 中場方面, 一直盛傳離隊既張伯倫表現良好, 或者令雲加可以再用D力留下佢, 而沙加越踢越好, 將成為阿仙奴中場重要棋子之一, 新加盟既高拿斯力錫非常對板, 而拿卡錫迪亦都好快適應阿仙奴踢法, 今仗有望一個助攻, 一個入波!! 但阿仙奴命脈始終係山神同奧燒, 前者經由雲加確認會缺陣, 後者仍是未知之數.........
李斯特城方面: 雖然前季既神奇之旅的確神奇, 不過經過上季之後, 球隊上下亦已回到地面, 干提離隊固然對球隊影響極大, 不過都2年前就無謂再諗喇, 上季沙士比亞中途接手後, 球隊成績大改善, 但球隊攻守都仍然不穩, 華迪與馬列斯狀態都好影響球隊, 而且後者更可能會離隊他投, 幸好門將既舒米高表現仍然穩定, 但救唔救得咁多呢?
K波預估戰況: 阿仙奴剛擊敗車路士奪得社區盾, 加上阿仙奴季初例勁, 今場英超揭幕戰緊係要全取3分啦, 而且李斯特城前季既神奇, 經過上季既洗禮後, 已經回復一隊正常既李城, 要作客擊敗阿仙奴似乎相當有難度, 唯有期望華迪再次回勇尋回射手感覺啦!
K波預估賽果: 阿仙奴 V 李斯特城 - 3:1
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊