傑志今場對住大洋洲班霸，大戰90分鐘後以0-1落敗。上場對住蒙通聯以12碼險勝晉級，可惜今場喺上半場初段有明顯優勢下，因為1次後防漏洞而輸波，筆者希望同大家分享一下今場的賽後感。
上半場開段傑志明顯係形勢較好嘅一隊，先後有利馬罰球中柱，同林嘉緯扭過幾個球員後射門，可惜毫無角度。去到22分鐘，傑志後防竟然可以被泰迪扭過3個後防球員後起腳，半撻Q下由門前嘅劉易斯執雞成功，落後0-1。41分鐘，賀維臣傳比劉易斯後想笠過郭劍橋，幸好唔中龍，可見奧克蘭城好容易就以一腳波，打通傑志嘅防線，而呢種攻勢相信會係傑志喺亞冠外圍賽，必定會遇到，因此傑志必須儘量阻止對手再用呢種方法取得入球。43分鐘，辛祖門前射球，但被蘇比卡拉接實，錯失扳平黃金機會，結果落後一球入更衣室。
47分鐘，奧克蘭城打一個非常快嘅反擊，傑志後防球員未返哂嘅時候，對手已經去到禁區，雖然最終攻勢未算有太大威脅，但傑志亦要改善回防速度，否則對住韓國勁旅，亦只會更加輸蝕。 52分鐘，終於到傑志嘅攻勢，均宜右路大腳傳中，但隊友未能接應。及後傑志漸漸上力，喺邊路不停發動攻勢，但威脅不大。戰至75分鐘，傑志開始壓上，球隊卻有唔少誤傳，而攻勢又係限於邊路傳中。82分鐘，摩利拿係禁區再次左扭右扭後，就射唔中龍。 隨著尾段最後一擊嘅罰球未能製造威脅，傑志以0-1落敗。
整場比賽基本上都係由奧克蘭城主導，傑志雖然開波初段形勢較好，但早段22分鐘嘅失波，就令初段嘅優勢蕩然無存，及後更被奧克蘭城長時間控球在腳，再加上傑志嘅前場壓逼唔多，令奧克蘭城長期控制比賽節奏。而且，傑志嘅攻勢就只能憑左右路嘅出波，基本上被對手捉路後便可謂無威脅。因此，傑志想要擊敗韓國勁旅出線，就必須下苦工，改善球隊嘅進攻技倆同埋防守能力，否則必定輸波而回。
pic credit to ONCC
_____________________________________________________________________
本專欄會從不同角度，與球迷分享有關香港足球的所見所想。同時亦希望能吸引更多球迷入場欣賞本地波嘅賽事，為香港足球加油！
本專欄每月會出4-5篇文章，當中會有分析，講解或其他唔同類型嘅文章。
facebook page ：香港足球
https://www.facebook.com/%E9%A6%99%E6%B8%AF%E8%B6%B3%E7%90%83-103406636843347/posts/
上半場開段傑志明顯係形勢較好嘅一隊，先後有利馬罰球中柱，同林嘉緯扭過幾個球員後射門，可惜毫無角度。去到22分鐘，傑志後防竟然可以被泰迪扭過3個後防球員後起腳，半撻Q下由門前嘅劉易斯執雞成功，落後0-1。41分鐘，賀維臣傳比劉易斯後想笠過郭劍橋，幸好唔中龍，可見奧克蘭城好容易就以一腳波，打通傑志嘅防線，而呢種攻勢相信會係傑志喺亞冠外圍賽，必定會遇到，因此傑志必須儘量阻止對手再用呢種方法取得入球。43分鐘，辛祖門前射球，但被蘇比卡拉接實，錯失扳平黃金機會，結果落後一球入更衣室。
47分鐘，奧克蘭城打一個非常快嘅反擊，傑志後防球員未返哂嘅時候，對手已經去到禁區，雖然最終攻勢未算有太大威脅，但傑志亦要改善回防速度，否則對住韓國勁旅，亦只會更加輸蝕。 52分鐘，終於到傑志嘅攻勢，均宜右路大腳傳中，但隊友未能接應。及後傑志漸漸上力，喺邊路不停發動攻勢，但威脅不大。戰至75分鐘，傑志開始壓上，球隊卻有唔少誤傳，而攻勢又係限於邊路傳中。82分鐘，摩利拿係禁區再次左扭右扭後，就射唔中龍。 隨著尾段最後一擊嘅罰球未能製造威脅，傑志以0-1落敗。
整場比賽基本上都係由奧克蘭城主導，傑志雖然開波初段形勢較好，但早段22分鐘嘅失波，就令初段嘅優勢蕩然無存，及後更被奧克蘭城長時間控球在腳，再加上傑志嘅前場壓逼唔多，令奧克蘭城長期控制比賽節奏。而且，傑志嘅攻勢就只能憑左右路嘅出波，基本上被對手捉路後便可謂無威脅。因此，傑志想要擊敗韓國勁旅出線，就必須下苦工，改善球隊嘅進攻技倆同埋防守能力，否則必定輸波而回。
pic credit to ONCC
_____________________________________________________________________
本專欄會從不同角度，與球迷分享有關香港足球的所見所想。同時亦希望能吸引更多球迷入場欣賞本地波嘅賽事，為香港足球加油！
本專欄每月會出4-5篇文章，當中會有分析，講解或其他唔同類型嘅文章。
facebook page ：香港足球
https://www.facebook.com/%E9%A6%99%E6%B8%AF%E8%B6%B3%E7%90%83-103406636843347/posts/
請按此登錄後留言。未成為會員? 立即註冊